ஆபரேஷன் அதகளம் ஆரம்பம்..! - சிவகார்த்திகேயனின் ‘டாக்டர்’ Report இதோ!

‘இரும்புத்திரை’ இயக்குநர் பி.எஸ்.மித்ரன் இயக்கத்தில் உருவாகி வரும் ‘ஹீரோ’ திரைப்படத்தில் சிவகார்த்திகேயனுக்கு ஜோடியாக நடிகை கல்யாணி பிரியதர்ஷன் நடிக்கிறார். இப்படத்தின் மூலம் அவர் தமிழ் சினிமாவில் அறிமுகமாகிறார். கல்யாணியுடன் ‘நாச்சியார்’ பட நடிகை இவானா, ஆக்‌ஷன் கிங் அர்ஜுன், ரோபோ ஷங்கர், அபய் தியோல் உள்ளிட்டோர் முக்கிய கதாபாத்திரங்களில் நடித்துள்ளனர்.

கே.ஜே.ஆர். ஸ்டூடியோஸ் நிறுவனம் தயாரிக்கும் இப்படத்திற்கு யுவன் ஷங்கர் ராஜா இசையமைத்துள்ளார், ஜார்ஜ் ஒளிப்பதிவு செய்துள்ளார். இந்நிலையில், இதனை தொடர்ந்து சிவகார்த்திகேயனின் தயாரிப்பு நிறுவனமான சிவகார்த்திகேயன் புரொடக்ஷன்ஸ் நிறுவனமும், கே.ஜே.ஆர் ஸ்டூடியோஸ் நிறுவனம் புதிய படத்திற்காக இணைந்துள்ளனர்.

சிவகார்த்திகேயன் புரொடக்ஷன்ஸ் நிறுவனமும், கே.ஜே.ஆர் ஸ்டூடியோஸ் நிறுவனம் இணைந்து தயாரிக்கும் ‘டாக்டர்’ திரைப்படத்தில் சிவகார்த்திகேயன் ஹீரோவாக நடிக்கிறார். ராக்ஸ்டார் அனிருத் இசையமைக்கும் இப்படத்தை நெல்சன் திலீப்குமார் இயக்குகிறார்.

இப்படத்தில் சிவகார்த்திகேயனுக்கு ஜோடியாக பிரியங்கா மோகன் நடிக்கிறார். முக்கிய வேடத்தில் நடிகர் வினய், யோகிபாபு உள்ளிட்டோர் நடிக்கின்றனர். இந்நிலையில், இப்படத்தின் ஷூட்டிங் பணிகள் இன்று (டிச.6) பூஜையுடன் தொடங்கியது. இது தொடர்பான புகைப்படங்கள் சமூக வலைதளங்களில் வைரலாகி வருகிறது.

Auspicious beginning to a wonderful film! Our second with the talenthouse @Siva_Kartikeyan and our dearest @Nelson_director 🤗🤗 #DOCTOR 🩺💉👨‍⚕️ on floors from today! @anirudhofficial @SKProdOffl @KalaiArasu_ @EzhumalaiyanT @DoneChannel1 @proyuvraaj @gobeatroute pic.twitter.com/HugPmz4o83

— KJR Studios (@kjr_studios) December 6, 2019