‘சுவாசமே சுவாசமே தேடல் இன்று… ’ SR பிரபு தயாரிப்பில் நயன்தாரா நடிக்கும் ‘O2’ first single

Also Read | நவீன் இயக்கத்தில் விஜய் ஆண்டனி & அருண் விஜய் நடிக்கும் ‘அக்னி சிறகுகள்’… டீசர் அப்டேட்

SR பிரபுவின் டிரீம் வாரியர்ஸ் நிறுவனம் தயாரிக்கும் புதிய படத்தினை அறிமுக இயக்குநர் விக்னேஷ் GS இயக்கியுள்ளார்.  டிஸ்னி+  ஹாட்ஸ்டார் தளம் தனது அடுத்த நயன்தாரா நடிப்பில் உருவாகியுள்ள இந்த  “O2”  திரைப்படத்தை,  ரசிகர்களுக்காக பிரத்யேகமாக திரையிடவுள்ளது.

கதைக்களம்…

ஒரு தாய் தன் 8 வயது மகனுடன் விபத்தில் சிக்கும் ஒரு பேருந்தில் மாட்டிக்கொள்கிறாள். நுரையீரல் பிரச்சனைக்காக  எப்போதும் தன் மகனிடம் இருக்கும் ஆக்ஸிஜன் சிலிண்டரை பேருந்தில் சகபயணிகள் குறிவைக்க தன் மகனை அவள் எவ்வாறு காப்பாற்றுகிறாள் என்பதைப் பரபரப்பாகச் சொல்லும் படம் தான்  “O2”. தமிழ்நாடு , கேரளா இணையும் மலைப்பகுதியில் இக்கதை நடப்பதாக அமைக்கப்பட்டுள்ளது. இப்படத்தில் தாய் பார்வதியாக நடிகை நயன்தாரா நடிக்க, மகனாக ரித்விக் நடித்துள்ளார். இவர்களுடன் லீணா, RNR மனோகர், ஆடுகளம் முருகதாஸ், ஜாஃபர் இடுக்கி ஆகியோர் நடித்துள்ளனர். இந்த படத்தில் வில்லனாக பிரபல த்ரில்லர் படமான K13 படத்தின் இயக்குனர் பரத் நீலகண்டன் நடித்துள்ளார்.

கவனம் ஈர்த்த டீசர்…

இப்படத்திற்கு, விஷால் சந்திரசேகர் இசையமைத்துள்ளார். தமிழ் A அழகன் ஒளிப்பதிவு செய்துள்ளார். செல்வா RK படத்தொகுப்பாளராக பணியாற்றியுள்ளார். சமீபத்தில் இப்படத்தின் டீஸர் வெளியாகி நல்ல வரவேற்பைப் பெற்றது. காற்று போக முடியாத பாதாளத்தில் சிக்கி தவிக்கும் பேருந்து பயணிகளுக்கு இடையே நடக்கும் மோதல்கள் டீசரில் பிரதானமாக அமைந்துள்ளன.

முதல் சிங்கிள்…

இந்த டீசரின் மூலம் படத்துக்கு நல்ல எதிர்பார்ப்பு எழுந்துள்ள நிலையில் இன்று படத்தின் முதல் சிங்கிள் பாடலான ‘சுவாசமே சுவாசமே’ பாடலின் லிரிக் வீடியோவைப் படக்குழு வெளியிட்டுள்ளது. இனிய மெலடியாக உருவாகியுள்ள இந்த பாடல் இணையத்தில் தற்போது ரசிகர்களின் கவனத்தைப் பெற்று வருகிறது.

Also Read | “ராஜா கைய வச்சா… அது “… ‘Stranger Things’ meets இசைஞானி… வைரல் வீடியோ