“இவன மாதிரி ஆளுகளோட இந்த வீட்ல இருக்க வெறுப்பா இருக்கு”.. ஏடிகே பரபரப்பு பேச்சு..! Bigg Boss 6 Tamil

Also Read | ஆயிஷா எலிமினேஷன் ஆனதுக்கு கைதட்டினாரா விக்ரமன்..? ரசிகர்களின் விளக்கம்! Bigg Boss 6 Tamil

விறுவிறுப்புக்கு பஞ்சமில்லாமல் சென்று கொண்டிருக்கும் இந்த நிகழ்ச்சியில் ஜிபி முத்து முதலிலியே வெளியேறினார். இதனை தொடர்ந்து முதல் எலிமினேஷனாக ‘மெட்டி ஒலி’ சாந்தி வெளியேற்றப்பட்டார்.  இதற்கு அடுத்த கட்டமாக அசல், அடுத்த வாரத்தில் ஷெரினா, பின்னர் மகேஸ்வரி, அடுத்து நிவாஷினி, அடுத்து ராபர்ட், அடுத்து குயின்ஸி என போட்டியாளர்கள் வெளியேறி இருந்தனர்.

இதேபோல், பொம்மை டாஸ்க், ஃபேக்டரி டாஸ்க், ராஜா ராணி டாஸ்க், ஏலியன்கள் Vs பழங்குடி இன மக்கள் டாஸ்க் உள்ளிட்ட பல டாஸ்க்குகள் இடையே போட்டியாளர்கள் மத்தியில் நடந்த சண்டை, பிக்பாஸ் பார்வையாளர்கள் மத்தியில் அதிக பரபரப்பை உண்டு பண்ணி இருந்தது.

இதனைத் தொடர்ந்து கடந்த வாரம், சினிமா பிரபலங்கள் பலரின் கதாபாத்திரமாக போட்டியாளர்கள் மாறி நடிக்க வேண்டும் என்பது தான் இந்த வார டாஸ்க்காக இருந்தது. அப்படி இருக்கையில், போட்டியாளர்களுக்கு காசும் பிக்பாஸ் கொடுத்திருந்தார். எந்த போட்டியாளர் நன்றாக நடனம் ஆடி நடிக்கிறார்களோ அவர்களுக்கு பணம் கொடுக்க வேண்டும் என்பதற்காகதான் அது. முந்தைய வாரங்களை போல அதிகம் சண்டை சச்சரவுகள் இல்லாமல், சற்று கலகலப்பாக இந்த வாம் போனது.

இதில் மைக்கேல் ஜாக்சன், சிவாஜியின் நேசமணி, வடிவேலுவின் நேசமணி கதாபாத்திரம், எம். ஆர். ராதா, சரோஜாதேவி, விக்ரமின் அந்நியன் கெட் அப், வடிவேலுவின் நாய் சேகர் என பல ஐகானிக் கதாபாத்திரங்களை சற்றே பெயர் மாற்றி பிக்பாஸ் வீட்டில் போட்டியாளர்கள் வலம் வந்திருந்தனர். மேலும், தாங்கள் ஏற்ற கதாபாத்திரம் போல, அவர்கள் நடை, உடை, பாவனை உள்ளிட்ட விஷயங்களை சிலர் செய்திருந்ததும் பார்வையாளர்களை வெகுவாக கவர்ந்திருந்தது.

இதனைத் தொடர்ந்து, வார இறுதியில் வந்த கமல்ஹாசன், போட்டியாளர்களின் கடந்த வார செயல்பாடு குறித்து பல கருத்துக்களைத் தெரிவித்திருந்தார். இதற்கு மத்தியில், இந்த வாரம் இரண்டு எலிமினேஷன்களும் இருந்த நிலையில், சனிக்கிழமை எபிசோடில் பிக்பாஸ் வீட்டில் இருந்து ராம் வெளியேறி இருந்தார். இதற்கடுத்து, அசீம், கதிரவன், ADK, ஜனனி, ஆயிஷா உள்ளிட்டோர் நாமினேஷன் பட்டியலில் இருந்தனர்.

இதில், அசீம், ADK, கதிரவன் உள்ளிட்டோர் Save செய்யப்பட்டதாக கமல் அறிவிக்கவே, கடைசியில் ஜனனி மற்றும் ஆயிஷா ஆகிய இருவரும் இருந்தனர். அப்போது யார் வீட்டில் இருந்து வெளியேறுவார் என சக போட்டியாளர்களிடம் கமல்ஹாசன் கேட்க, அனைவருமே ஆயிஷா பெயரை தான் தெரிவித்தனர். இறுதியில் ஜனனி Save ஆவதாக அறிவித்த கமல் ஆயிஷா எலிமினேட் ஆவதாக கார்டில் பெயரை காட்டி அறிவிக்க, ஆயிஷா வெளியேறினார்.

இதனை தொடர்ந்து அடுத்த வார நாமினேஷன் ப்ராசஸ் வந்துவிட்டது. இதில் மைனா, அமுதவாணன், விக்ரமன் ஆகியோர் மணிகண்டனை நாமினேட் செய்துள்ளனர். இதேபோல் ரச்சிதா, மணிகண்டன் தனலட்சுமி ஆகியோர் விக்ரமனையும், ஏடிகே மற்றும் அசீம் ரச்சிதாவை நாமினேட் செய்துள்ளனர். ஷிவின், கதிரவன், ஏடிகே மற்றும் மணிவண்ணன் ஆகியோர் அசீமை நாமினேட் செய்துள்ளனர்.

இதனிடையே பெட்ரூமில் அசீம் கூறித்து விக்ரமனிடம் பேசும் ஏடிகே, “அசீம் போலியாக டயலாக் பேசிக்கொண்டு அடுத்தவர்களை அட்டாக் செய்து கொண்டு  இருக்கிறான். இவனை மாதிரி ஆளுகளுடன் இந்த வீட்டில் இருப்பதே எனக்கு வெறுப்பாக இருக்கிறது. சரி நார்மலாக பேசி விட்டான், நாமளும் நார்மலாக பேசுவோம் என நினைத்தால் அதுவும் ஒரு மணி நேரம்தான் நீடிக்கிறது. அந்த ஒரு மணி நேரத்துக்குள் நம்மளை ஒரு மாதிரி எமோஷனலாக சிதைத்து விடுகிறான். தனக்கு நண்பர்கள் யாருமே இல்லை என கட்டிப்பிடித்து அழுது விடுகிறான்.

அதன் பிறகு இவனே வந்து நானெல்லாம் வேற மாதிரி என்று சொல்கிறான். இன்னும் 18 வயதிலேயே இருக்கிறான் போலிருக்கிறது” என்று குறிப்பிட்டுள்ளார். அசீம் குறித்த ஏடிகேவின் இந்த பரபரப்பு பேச்சு வைரலாகி வருகிறது.

Also Read | ‘இதெல்லாம் 2K Kids பாத்துருக்க மாட்டாங்க’.. ரஜினியின் 73வது பிறந்தநாள்.. Viral த்ரோபேக் ஃபோட்டோஸ்..