டைட்டில் வின்னர் கனி தனது குடும்பத்தினருடன் வெற்றியை கொண்டாடும் வீடியோ... செம வைரல் இப்போ.!

முகப்பு > சினிமா செய்திகள்

By Priyanka | Apr 15, 2021 06:50 PM

விஜய் டிவியில் ஒளிபரப்பாகி வரும் 'குக் வித் கோமாளி' நிகழ்ச்சி பற்றி தெரியாதவர்களே இருக்க முடியாது. வரவர பிக்பாஸ் நிகழ்ச்சிக்கு இணையான ரசிகர் பட்டாளம் இந்த நிகழ்ச்சிக்கும் உருவாகியுள்ளது. போட்டியாளர்கள் கோமாளிகளை வைத்துக் கொண்டு சமைக்க படாதபாடு படும் காட்சிகள் ரசிகர்களை குலுங்கி, குலுங்கி சிரிக்க வைக்கிறது. போட்டியாளர்களுக்கும் சரி, கோமாளிகளுக்கும் சரி தனித்தனியே ரசிகர் பட்டாளம் இருக்கிறது என்றே சொல்லலாம். இந்நிகழ்ச்சி வாராவாரம் சுவாரசியம் குறையாமல் ரசிகர்களை சிரிக்க வைக்கிறது. அதிலும் பலரைப் பற்றி மக்கள் வைத்திருக்கும் பிம்பமே இந்த சீசன் 2 மூலமாக மாறியுள்ளது. சீரியஸான மனிதர்களாக இருப்பார்கள் என்று நினைத்த பலரும் மிகவும் எளிமையான, சுவாரசியமான, ரசிக்கக்கூடிய மனிதர்களாக இருப்பதை பார்க்க முடிகிறது. அதேபோல் கோமாளிகள் உடன் போட்டியாளர்கள் பழகும் விதமும் ரசிக்கும்படி உள்ளது.

family celebrates kani winning moment குடும்பத்தினருடன் வெற்றியை கொண்டாடும்கனி

இந்நிலையில் ஆரம்பம் முதலே தனது சிறப்பான பங்களிப்பு மூலம் கவனம் பெற்று இருப்பவர் கனி. இவர் யார் என்பது பலரும் தெரியாத விஷயமாக இருக்கலாம். இவர் மக்கள் டிவியில் ஒளிபரப்பான 'சொல் விளையாட்டு' என்ற நிகழ்ச்சியை தொகுத்து வழங்கியவர். பிரபல இயக்குனர் அகத்தியனின் மகளான இவர், பிக்பாஸ் சீசன் 2வில் பங்கேற்ற நடிகை விஜய லட்சுமியின் சகோதரி மற்றும் இயக்குனர் திருவின் மனைவி என்பது குறிப்பிடத்தக்கது. இந்நிலையில் நேற்றைய தினம் குக் வித் கோமாளி சீசன்2 முடிந்துள்ள நிலையில் கனி முதலிடத்தை தட்டி சென்றுள்ளார். இந்நிலையில் அவரது குடும்பத்தினர் அவரது வெற்றியாயி பார்த்து மகிழும் வீடியோ தற்போது வைரலாகி வருகிறது தனது இன்ஸ்டாகிராம் பக்கத்தில் அவர் ஒரு அறிவிப்பை வெளியிட்டுள்ளார்.

Click Here for All New Titles Releasing Directly on OTT (List Updates Daily)