www.garudabazaar.com

வெளியானது பா.ரஞ்சித் & விக்ரம் பட டைட்டில்.. வைரல் ஆகும் கேரக்டர் லுக் வீடியோ.!

முகப்பு > சினிமா செய்திகள்

By |

பா. ரஞ்சித் இயக்கத்தில் விக்ரம் நடிக்கும் திரைப்படத்தின் பெயரை அறிவித்துள்ளது படக்குழு.

Director Pa Ranjith Actor Vikram movie Titled as Thangalaan

அஜய் ஞானமுத்து இயக்கத்தில், விக்ரம் நடித்திருந்த கோப்ரா திரைப்படம், கடந்த ஆகஸ்ட் மாதம் 31 ஆம் தேதியன்று வெளியாகி இருந்தது. மக்கள் மத்தியில் இந்த திரைப்படம் நல்ல வரவேற்பை பெற்றிருந்த நிலையில், விக்ரமின் நடிப்பும் அதிகம் பேசப்பட்டிருந்தது. இதனைத் தொடர்ந்து, பல ஆண்டுகளாக தமிழ் சினிமா திரை வடிவில் காண ஆசைப்பட்ட பொன்னியின் செல்வன் திரைப்படத்தின் முதல் பாகம், கடந்த செப்டம்பர் 30 ஆம் தேதி வெளியாகி இருந்தது. இதில், ஆதித்த கரிகாலன் என்னும் கதாபாத்திரத்தில் விக்ரம் நடித்துள்ளார்.

மெட்ராஸ், கபாலி, சார்பட்டா பரம்பரை உள்ளிட்ட பல திரைப்படங்களால் மக்கள் கவனத்தை ஈர்த்தவர் இயக்குனர் பா. ரஞ்சித். இவரது இயக்கத்தில் கடைசியாக "நட்சத்திரம் நகர்கிறது" என்ற திரைப்படம் வெளியாகி இருந்தது. இதனைத் தொடர்ந்து, விக்ரமை வைத்து புதிய திரைப்படம் ஒன்றை பா. ரஞ்சித் இயக்க உள்ளார்.

இந்தப் படத்தை ஸ்டூடியோ கிரீன் நிறுவனம் சார்பில் ஞானவேல் ராஜா தயாரிக்கிறார். இந்த படத்திற்கு இசையமைப்பாளராக ஜி.வி. பிரகாஷ் ஒப்பந்தமாகியுள்ளார். இன்னும் பெயரிடப்படாத இந்த படத்தை "சியான் 61" என குறிப்பிட்டு வந்த நிலையில், இப்படத்திற்கு "தங்கலான்" என பெயரிடப்பட்டிருப்பதாக அதிகாரப்பூர்வாக அறிவிக்கப்பட்டுள்ளது.

இந்தப் படத்தில், பசுபதி, மாளவிகா மோகனன், பார்வதி ஆகியோரும் நடிக்கின்றனர். ஒளிப்பதிவை கிஷோர் குமாரும், படத்தொகுப்பை செல்வாவும் கவனித்துக்கொள்கின்றனர். எஸ்.எஸ்.மூர்த்தி கலை இயக்குனராக பணிபுரியும் இந்தப் படத்தில் ஏகன் ஏகாம்பரம் ஆடை வடிவமைப்பாளராக ஒப்பந்தமாகியுள்ளார்.

இந்நிலையில், இப்படத்தின் இயக்குனர் பா.ரஞ்சித் தனது அதிகாரப்பூர்வ ட்விட்டர் பக்கத்தில் கேரக்டர் லுக் வீடியோவை பகிர்ந்திருக்கிறார். இந்த வீடியோ, படம் மீதான எதிர்பார்ப்பை அதிகரித்திருக்கிறது.

 

தொடர்புடைய இணைப்புகள்

Director Pa Ranjith Actor Vikram movie Titled as Thangalaan

People looking for online information on Chiyaan61, Pa.Ranjith, Vikram will find this news story useful.