BB6 Tamil : அவருக்கு ஃபேன்ஸ் இருந்தா சப்போர்ட் பண்ணனுமா??.. GP முத்து விஷயத்தில் கடுப்பான Dhanalakshmi!!

Also Read | Biggboss 6 Tamil : தனலட்சுமி கூட பஞ்சாயத்து.. கண்ணீர் விட்டு கதறி அழுத ஜிபி முத்து.. எப்டி இருந்த மனுஷன்!!

ஸ்டார் விஜய் தொலைக்காட்சியில் ஒளிபரப்பாகும் பிக்பாஸ் நிகழ்ச்சியை கடந்த 5 சீசன்களாக, நடிகர் கமல்ஹாசன் தொகுத்து வழங்கி வருகிறார்.

இந்த பிக்பாஸ் வீட்டிற்குள் நடக்கும் சவால்கள், சண்டை, கலகலப்பு உள்ளிட்ட பல விஷயங்கள் தான் மக்கள் மத்தியிலும் அதிகம் பேசுபொருளாக இருக்கும். இந்த முறை, பிக்பாஸ் 6 வது சீசன் டிஸ்னி + ஹாட்ஸ்டார் தளத்தில் 24 மணி நேரமும் ஒளிபரப்பாகி வருகிறது.

இதனால் தொடர்ந்து பிக்பாஸ் குறித்த விஷயங்கள், இணையத்தில் எப்போதுமே ட்ரெண்ட் ஆன வண்ணம் உள்ளது. இதனிடையே, ஜிபி முத்து மற்றும் தனலட்சுமி ஆகியோரிடையே நடந்த சண்டை தான், பிக்பாஸ் நிகழ்ச்சியின் பரபரப்பான விஷயமாக தற்போது மாறி உள்ளது.

பாத்திரம் கழுவும் அணியில் இடம்பெற்றுள்ள ஜிபி முத்து மற்றும் தனலட்சுமி ஆகியோர் இடையே மோதல் உருவாக, வீட்டில் உள்ளவர்கள் இருவருக்கும் இடையே சமரசம் செய்து வைக்கும் முயற்சியிலும் ஈடுபட்டனர். இதன் பின்னர், தான் நடித்ததாக தனலட்சுமி குறிப்பிட்டதை எண்ணி கண்ணீர் வடிக்கவும் செய்தார் ஜிபி முத்து.

இந்த நிலையில் ஜிபி முத்துவுடன் சண்டை போட்ட பிறகு தனலட்சுமி பேசிய விஷயம் தற்போது அதிகம் பரபரப்பை ஏற்படுத்தி உள்ளது.

சண்டை முடிந்த பின்னர், நேரடியாக அறைக்கு வந்தார் தனலட்சுமி. அப்போது அவருடன் ஆயிஷா மற்றும் அசீம் ஆகியோர் இருந்தனர். இதன் பின்னர், தனலட்சுமிக்கு அறிவுரை வழங்கினார் அசீம். அவர் உங்களை அடிக்க வரவில்லை என்றும் உங்களை மகள் என்று கூறிய பின்னரும் ஏன் புரிந்து கொள்ளவில்லை என தனலட்சுமியிடம் கேட்கிறார்.

இதற்கு பதிலளித்த தனலட்சுமி, அவருக்கு வெளியே ரசிகர்கள் இருந்தால் அவரை சப்போர்ட் செய்ய வேண்டுமா என்றும் கேட்கிறார். இதற்கு அசீமும் விளக்கம் கொடுக்க, ஆயிஷாவும் தனலட்சுமியிடம் பேச முயற்சிக்கிறார். இதற்கு கோபத்துடன் பதில் தெரிவிக்கும் தனலட்சுமி ஜிபி முத்துவிற்கு ஆதரவாக யாரும் என்னிடம் பேச வேண்டாம் என்றும் கண்டிப்பாக தெரிவிக்கிறார்.

இது தொடர்பான பதிவுகள் தற்போது அதிகம் பரபரப்பை பிக்பாஸ் வீட்டிற்குள் உண்டு பண்ணி உள்ளது.

Also Read | Biggboss 6 Tamil : "நீ பாத்தியா?" மாறி மாறி கை ஓங்கிய ஆயிஷா, தனலட்சுமி.. கடைசி'ல ஜனனி கொடுத்த Thug Life!!..