நடிகை மீனாவின் கணவர் மரணம் இதனால் தான்.. டிவிட்டரில் குஷ்பு அளித்த தகவல்

Also Read | ரசிகரின் பிறந்தநாள்.. தொலைபேசியில் அழைத்து வாழ்த்திய அஜித்! செம்ம வைரல் வீடியோ

மூன்று மாதங்களுக்கு முன்பு வித்யாசாகர் கோவிட் வைரஸ் நுரையீரலை மோசமாக்கியதாகவும் குஷ்பு டிவிட்டரில் கூறியுள்ளார். அவரது மரணம் குறித்து தவறான செய்திகளை வெளியிட வேண்டாம் என குஷ்பு வேண்டுகோள் விடுத்துள்ளார்.

வித்யாசாகர் சென்னையில் உள்ள தனியார் மருத்துவமனையில் திங்கள்கிழமை இரவு காலமானார். கடுமையான நுரையீரல் தொற்றால் அவதிப்பட்டு வந்த அவர், கடந்த சில மாதங்களாக தீவிர சிகிச்சை பெற்று வந்தார். வித்யாசாகர் பெங்களூரைச் சேர்ந்த கணினி பொறியாளர். 2009 இல், அவர் நடிகை மீனாவை மணந்தார், அவர்களுக்கு நைனிகா என்ற மகள் உள்ளார்.

மீனா கணவரின் இழப்பிற்கு இரங்கல் தெரிவித்துள்ள குஷ்பு ட்வீட் செய்ததாவது: “ஒரு பயங்கரமான செய்தியுடன் எழுந்துள்ளேன். நடிகை மீனாவின் கணவர் சாகர் நம்மிடையே இல்லை என்பதை அறிந்து மனம் உடைந்தது. நீண்ட நாட்களாக நுரையீரல் நோயால் அவதிப்பட்டு வந்தார். மீனா மற்றும் அவரது இளம் மகள் மீது இதயம் செல்கிறது. வாழ்க்கை கொடுமையானது. துக்கத்தை வெளிப்படுத்த வார்த்தைகள் இல்லாமல். குடும்பத்தினருக்கு ஆழ்ந்த இரங்கல்கள்" என்று குஷ்பு பதிவிட்டுள்ளார்.

மற்றொரு ட்வீட்டில், சாகர் கோவிட் நோயால் இறக்கவில்லை என்று குஷ்பு தெளிவுபடுத்தினார். “ஊடகங்கள் கொஞ்சம் பொறுப்பாக இருக்க வேண்டும் என்று நான் மிகவும் தாழ்மையுடன் கேட்டுக்கொள்கிறேன். மீனாவின் கணவருக்கு 3 மாதங்களுக்கு முன்பு கோவிட் இருந்தது. கோவிட் அவரது நுரையீரல் நிலையை மோசமாக்கியது. தயவு செய்து சாகரை கோவிட் நோயால் இழந்துவிட்டோம் என்று கூறி தவறான செய்தியை பரப்பாதீர். எந்த வித பயத்தையும் படபடப்பையும் ஏற்படுத்தாதீர்கள். ஆம், நாம் எச்சரிக்கையாக இருக்க வேண்டும” என குஷ்பு டிவிட்டரில் தெரிவித்துள்ளார்.

Also Read | சூர்யாவை பாராட்டிய தமிழக முதல்வர் மு.க.ஸ்டாலின்.. இது தான் காரணம்! செம்ம