VIDEO: சினிமா சூட்டிங்கின் போது... வெள்ளத்தில் மூழ்கிய ஜாக்கி சான்!.. திக் திக் நொடிகள்!.. நூலிழையில் உயிர்பிழைத்தது எப்படி?.. பரபரப்பு காட்சிகள்!

முகப்பு > செய்திகள் > உலகம்

By Manishankar | Sep 15, 2020 04:42 PM

சினிமா சூட்டிங்கில் சாகசக் காட்சி படமாக்கப்பட்ட போது, ஏறக்குறைய மரணத்தின் வாசல் வரை சென்று திரும்பி இருக்கிறார் ஜாக்கி சான்.

jackie chan almost drowned on set while filming stunt scenes vanguard

66 வயதாகும் ஜாக்கி சான் நடிக்கும் வேன்கார்டு என்ற ஆங்கில படத்தின் படப்பிடிப்பு சீனாவில் நடைபெற்று வருகிறது. அப்போது காட்டாறு வெள்ளத்தில் ஜாக்கி சான் மற்றும் மியா முகி இருவர் நீர் ஸ்கூட்டரில் பயணிப்பது போன்ற சாகசக் காட்சி படமாக்கப்பட்டது. அப்போது, எதிர்பாராத விதமாக நீர் ஸ்கூட்டர் வெள்ளத்தில் தலைகீழாக கவிழ்ந்து விட்டதால் ஜாக்கி சான் வெள்ளத்தில் மூழ்கினார்.

முகி உடனடியாக மீண்டும் தோன்றினார். ஆனால், சுமார் 45 விநாடிகள், ஜாக்கி சான் எங்கும் காணப்படவில்லை.

உடனடியாக தண்ணீரில் குதித்த ஜாக்கி சானின் பாதுகாவலர்கள் பெரும் போராட்டத்திற்கு பிறகு அவரை பாதுகாப்பாக மீட்டு கரைக்கு சேர்த்தனர். இந்த பரபரப்பான காட்சிகள் அனைத்தும் தற்செயலாக ஓடிக் கொண்டு இருந்த கேமராவில் படம் பிடிக்கப்பட்டது.

விபத்தினை அடுத்து படப்பிடிப்பினை தள்ளி வைக்க தயாரிப்பாளர்கள் கேட்டுக் கொண்ட போதும், சிறிது நேர ஓய்விற்கு பின் மீண்டும் அதே காட்சியில் நடித்து அசத்தினார் ஜாக்கி.

jackie chan almost drowned on set while filming stunt scenes vanguard

நீண்ட இடைவேளிக்கு பிறகு வெளியாக இருக்கும் ஜாக்கியின் வேன்கார்டு திரைப்படம், வரும் ஜனவரி மாதம் வெளியாகும் என்று தெரிகிறது. இதனிடையே விபத்து குறித்து பேசிய ஜாக்கி சான், "அது சாதாரணமான ஒரு காட்சி தான். ஆனால், கிட்டத்தட்ட நீரில் முழுவதுமாக மூழ்கி விட்டேன். ஸ்கூட்டர் கவிழ்ந்ததால் நீருக்கு அடியில் சிக்கிக் கொண்டேன். என்ன நடந்தது என்று கூட நினைவில்லை. ஏதோ ஒரு சக்தி ஒன்று என்னைக் காப்பாற்றியதாக உணர்ந்தேன். முழு மூச்சில் ஸ்கூட்டரைத் தள்ளியதால் என்னால் வெளிவர முடிந்தது" எனக் கூறினார்.

 

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. Jackie chan almost drowned on set while filming stunt scenes vanguard | World News.