போச்சுடா.. பிரபல இந்திய வீரருக்கு அறுவை சிகிச்சை.. அடுத்த 5 மாதங்கள் ஓய்வு.. அதிர்ச்சியில் ரசிகர்கள்..!

இந்திய கிரிக்கெட் அணியின் நட்சத்திர வீரரான ஷ்ரேயாஸ் அய்யருக்கு அறுவை சிகிச்சை செய்யப்பட வேண்டும் என மருத்துவர்கள் பரிந்துரை செய்திருக்கின்றனர். இதனையடுத்து அவர் அடுத்த சில மாதங்களுக்கு ஓய்வில் இருப்பார் என தகவல்கள் வெளியாகி உள்ளது. இதனால் ரசிகர்கள் அதிர்ச்சி அடைந்துள்ளனர். 

                             Images are subject to © copyright to their respective owners.

Also Read | ஓடிப்போய் போலீஸுக்கு சல்யூட் அடிச்ச சிறுமி.. காவல்துறை பகிர்ந்த Cute வீடியோ..!

கவாஸ்கர் பார்டர் டெஸ்ட் தொடர்

தற்போது ஆஸ்திரேலிய கிரிக்கெட் அணி இந்தியாவிற்கு சுற்றுப் பயணம் மேற்கொண்டுள்ளது. இரு அணிகளுக்கு இடையேயான வரலாற்று சிறப்புமிக்க கவாஸ்கர் பார்டர் டெஸ்ட் தொடர் நடைபெற்று முடிந்திருக்கிறது. நான்கு போட்டிகளைக் கொண்ட இந்தத் தொடரை இந்தியா 2-1 என்ற கணக்கில் கைப்பற்றியிருந்தது. இந்திய அணியில் நீண்ட காலத்திற்கு பிறகு உள்ளே வந்திருந்த ஷ்ரேயாஸ் அய்யர் நான்காவது போட்டியில் காயமடைந்தார். இதனையடுத்து அவர் பேட்டிங் செய்யாமல் இருந்தது குறிப்பிடத்தக்கது.

Images are subject to © copyright to their respective owners.

காயம்

இந்நிலையில் ஷ்ரேயாஸ் அய்யருக்கு முதுகு பகுதியில் ஏற்பட்ட காயத்திற்கு அறுவை சிகிச்சை மேற்கொள்ளப்பட வேண்டும் என மருத்துவர்கள் பரிந்துரை செய்திருக்கின்றனர். இதனையடுத்து, ஷ்ரேயாஸ் அய்யர் அடுத்த 5 மாதங்களுக்கு ஓய்வில் இருப்பார் என தெரிகிறது. இதன் காரணமாக வரவிருக்கும் உலகக்கோப்பை, டெஸ்ட் சாம்பியன்ஷிப் தொடர், ஐபிஎல் ஆகிய தொடரில் ஷ்ரேயாஸ் அய்யர் விளையாடுவது கேள்விக்குறியாகி உள்ளது.

Images are subject to © copyright to their respective owners.

பும்ரா

இந்திய கிரிக்கெட் அணியின் வேகப்பந்து வீச்சாளர் ஐஸ்பிரிட் பும்ரா காயம் காரணமாக அணியில் இருந்து நீண்ட நாட்களாக விலகி இருக்கிறார். சமீபத்தில் அவருக்கு நியூசிலாந்தில் அவருக்கு அறுவை சிகிச்சை நடைபெற்றிருந்தது. உலகக் கோப்பைக்குள் பும்ரா மீண்டு வருவாரா? என ரசிகர்களிடையே கேள்வி எழுந்த நிலையில் தற்போது ஷ்ரேயாஸ் அய்யருக்கு அறுவை சிகிச்சை செய்ய மருத்துவர்கள் பரிந்துரை செய்திருப்பது ரசிகர்களை அதிர்ச்சியடைய செய்திருக்கிறது. இதனிடையே ஒருவேளை ஷ்ரேயாஸ் அய்யர் அணிக்கு திரும்பவில்லை எனில், அவருக்கு அவருக்கு பதிலாக யாருக்கு வாய்ப்பு வழங்கப்படும்? என்பது குறித்தும் ரசிகர்கள் இப்போதே விவாதித்து வருகின்றனர்.

Also Read | எப்படி இருக்கிறார் ஈவிகேஎஸ் இளங்கோவன்?.. மருத்துவமனை நிர்வாகம் வெளியிட்ட அறிக்கை..!