Ranjithame : உலக அளவில் நம்பர் 1 .. 18.5 மில்லியன் ரியல் டைம் வியூவ்ஸ்.. நெகிழ்ச்சியில் தமன் & விவேக்.!

இப்படத்திற்கு, ஹரி, ஆஷிஷோர் சாலமன் மற்றும் விவேக் இணைந்து கதை & கூடுதல் திரைக்கதை எழுதி உள்ளனர். இசை மற்றும் ஒளிப்பதிவு முறையே எஸ்.தமன் மற்றும் கார்த்திக் பழனி கவனித்து வருகின்றனர், கேஎல் பிரவீன் படத்தொகுப்பாளராக பணியாற்றுகிறார்.

இப்படத்தில் விஜய் மற்றும் ராஷ்மிகா ஆகியோருடன் பிரகாஷ்ராஜ், சரத் குமார், பிரபு, குஷ்பு, யோகிபாபு, ஷ்யாம் உள்ளிட்ட பலரும் நடித்து வருகின்றனர். 2023 ஆம் ஆண்டு பொங்கல் விருந்தாக இந்த திரைப்படம் வெளியாகும் என்றும் அதிகாரபூர்வமாக அறிவிக்கப்பட்டுள்ளது. முன்னதாக, வாரிசு படத்தின் முதல் சிங்கிள் பாடலான் "ரஞ்சிதமே" பாடலின் ப்ரோமோ வெளியாகி ரசிகர்கள் மத்தியில் நல்ல வரவேற்பை பெற்றது.

நடிகர் விஜய் இந்த பாடலை பாடி உள்ள இந்த பாடல் நவம்பர் 5 ஆம் தேதியன்று வெளியாகும் என்றும் குறிப்பிடப்பட்டது. இதற்கு மத்தியில் ஐந்தே நிமிடத்தில் யூடியூப் தளத்தில் வாரிசு படத்தின் முதல் சிங்கிளான ரஞ்சிதமே பாடலின் ப்ரோமோ 1 லட்சம் லைக்குகளை குவித்து சாதனை படைத்தது. 

எதிர்பார்த்தபடி நவம்பர் 5-ஆம் தேதி மாலை வெளியான இந்த பாடலில்,‘கட்டுமல்லி கட்டிவெச்சா.. வட்டக்கருப்பு பொட்டுவெச்சா’ என்கிற வரிகளை பல்லவியிலும், ‘ரஞ்சிதமே ரஞ்சிதமே மனச கலைக்கும் மந்திரமே’ ஆகிய வரிகள் அனுபல்லவியிலும் அமைந்திருந்தது.  தளபதி  விஜய் இந்த பாடலை பாடியுள்ளார். அவருடன் இணைந்து இந்த பாடலை எம்.எம்.மானஸி பாடியுள்ளார். பாடலாசிரியர் விவேக் இந்த பாடலை எழுதியுள்ளார்.

இந்நிலையில் வாரிசு படத்தில் இடம்பெற்ற ரஞ்சிதமே பாடல், கடந்த 24 மணி நேரத்தில் யூடியூபில் அதிக வியூவ்ஸ் குவித்த பாடல்களின் நீண்டபெரும் பட்டியலில் முதலிடத்தினை பிடித்துள்ளது. இத்தகைய சாதனையை படைத்திருப்பது ரசிகர்கள் சிலாகித்து வருகின்றனர்.

இதுகுறித்த தகவலை தமது ட்விட்டரில் பகிர்ந்த இசையமைப்பாளர் எஸ்.தமன் மற்றும் பாடலாசிரியர் விவேக் தங்களது நெகிழ்ச்சியை பகிர்ந்துள்ளனர்.

Most Viewed Video In 24 Hours #Ranjithame All New Record thanks To all For Welcoming Our #VarisuFirstSingle #VarisuMusic In A grand Way 🔥🔥🔥🔥 #chartbusterRanjithame pic.twitter.com/Oo5aZa9SKm

— thaman S (@MusicThaman) November 6, 2022

குறிப்பாக ‘ரஞ்சிதமே ரஞ்சிதமே’ பாடலின் பாடலாசிரியர் விவேக், “ரஞ்சிதமே பாடல் 24 மணி நேரத்தில், உலக அளவில் முதலிடத்தில் 18.5 மில்லியல் நிகழ் நேர பார்வையாளர்களுடன் திகழ்கிறது.

Ranjithame at World No 1 and with 18.5 M real time views in 24 hours its Thalapathy wave all around !! Thank you for the reception, heartwarming comments and love. Love you all ❤️ pic.twitter.com/N2TZTiwgs1

— Vivek (@Lyricist_Vivek) November 6, 2022

தளபதி அலை எங்கும் பரவி இருக்கிறது. வரவேற்புக்கும், இதயம் நெகிழ்ந்த கமண்டுகளுக்கும், அன்புக்கும் நன்றி” என தெரிவித்துள்ளார்.