தெலுங்கு சூப்பர் ஸ்டார் மகேஷ் பாபு, பூஜா ஹெக்டே, அல்லரி நரேஷ் ஆகியோர் நடிப்பில் உருவாகியுள்ள படம் 'மஹார்ஷி'. வம்சி இயக்கியுள்ள இந்த படத்தின் டிரெய்லர் மற்றும் பாடல்கள் நல்ல வரவேற்பை பெற்றுள்ளது. இந்த படம் மே 9 ஆம் தேதி வெளியாகவுள்ளது.
இந்த படத்தை வைஜெயந்தி மூவிஸ், ஸ்ரீ வெங்கடேஸ்வரா கிரியேஷன்ஸ் மற்றும் பிவிபி சினிமா ஆகிய நிறுவனங்கள் இணைந்து தயாரித்துள்ளன. இந்த படத்துக்கு கே.யூ. மோகனன் ஒளிப்பதிவு செய்ய தேவி ஸ்ரீ பிரசாத் இசையமைத்துள்ளார்.
இந்நிலையில் சென்சாருக்கு அனுப்பப்பட்ட இந்த படம் யு/ஏ சான்றிதழ் பெற்றுள்ளது. மகேஷ் பாபு நடிப்பில் கடந்த வருடம் சமூக பிரச்சனைகளை அடிப்படையாகக் கொண்டு பரத் அனே நேனு திரைப்படம் வெளியாகியிருந்தது.
