சுஷாந்த் சிங் கடைசியாக ‘ஐ லவ் யூ’ என்று சொன்னார் - பிரபல இயக்குனர் உருக்கமான பேட்டி

இந்நிலையில் அண்மையில் சுஷாந்த் சிங் நடிக்கவிருக்கும் ஒரு படத்தைப் பற்றிய தகவல் வெளியானது. ஹிந்தி இயக்குநர் ரூமி ஜாஃப்ரி இயக்கும் அடுத்த படத்தில் நடிக்க சுஷாந்த் சிங் ஒப்பந்தம் செய்யப்பட்டிருந்தார். இந்தப் படத்தில் அவருக்கு ஜோடியாக ரியா சக்ரபர்த்தி நடிக்க ஒப்பந்தம் ஆகியிருந்தார்.

நிஜ வாழ்க்கையில் சுஷாந்த் சிங் ரியா சக்ரபர்த்தியை காதலித்தார் என்று கூறப்படுகிறது, ஆனால் கருத்து வேறுபாட்டால் இவர்கள் பிரிந்துவிட்டதாகவும் கூறப்படுகிறது.

இந்நிலையில் ரூமி ஜாஃப்ரி சமீபத்தில் மும்பை ஊடகத்துக்கு பேட்டி அளித்துள்ளார். அதில் அவர் கூறியிருப்பது, "சுஷாந்ந் சிங்குக்கு டான்ஸ் ஆடுவது மிகவும் பிடிக்கும். என்னுடைய படம் டான்ஸ் பற்றிய படமே. அதனால்தான் அவரை இப்படத்தில் நடிக்க கேட்டோம். அவரை மனதில் வைத்துதான் இப்படத்தின் கதையை எழுதினேன்.

இந்த லாக்டவுன் காலகட்டத்தில் கூட சுஷாந்த் இப்படத்தின் ஸ்கிரிப்ட்டை படித்து ஹோம்வொர்க் செய்து, தன்னை அக்கதாபாத்திரத்துக்கு தயார் செய்து கொண்டிருந்தார்.இந்தப் படத்தின் ஷூட்டிங்கை மே மாத இறுதியில் ஆரம்பிப்பதாக இருந்தோம். ஆனால் லாக்டவுன் காரணமாக, படப்பிடிப்பு ஒத்தி வைக்கப்பட்டது.

சுஷாந்துக்கு பாலிவுட்டில் அதிக நண்பர்கள் கிடையாது. கடைசியாக அவர் என்னிடம் ‘ஐ லவ் யூ’ என்று கூறினார்" என்றார்.