“அப்ப உங்க டிரெஸ்ல இருந்து நா எடுக்கவா?”.. தாமரைக்காக பொசுக்குனு கேட்ட ராஜூ!.. கடுப்பான பாவனி!

“இப்படி டிரஸ் மாற்றும் ஒரு நிலையில் எப்படி நான் இது குறித்து, உன்னிடம் பேச முடியும் கேட்க முடியும்? அல்லது சத்தம் போட முடியும்?” என்று தாமரை அழுது புலம்பியதுடன், “இதெல்லாம் தப்பு பாப்பா.. இது நம்பிக்கை துரோகம்..” என்றெல்லாம் பேசி விட்டார்.

உடனே, “இப்படி எல்லாம் பேசாதீர்கள்.. வார்த்தையை விடாதீங்க அக்கா” என்று பாவனி மற்றும் சுருதி இருவரும், தாமரையை எச்சரித்ததுடன்,  “இது வெறும் விளையாட்டு தான்.. தனி மனித தாக்குதல் வேண்டாம்.. உங்களை அசிங்கப்படுத்தி எடுக்க வேண்டும் என்று நாங்களும் நினைக்கவில்லை!” என்று ஒரு கேட்டனர்.

ஆனால் உடனடியாக சிபி, ராஜூ, இமான் அண்ணாச்சி என பலரும் தாமாக வந்து நின்று பாவனி மற்றும் சுருதியிடம் பேச்சுவார்த்தை நடத்தினர். அப்போது “ஆடையில் இருந்தால் கூட எடுக்கலாம் என்று சொல்கிறீர்களே.. அப்படி இருக்கும்போது இது என்ன தவறு” என்று பாவனி கேட்டார்.

அதற்கு ராஜூ,  “அப்படியானால் உங்கள் டிரஸ்ஸிலிருந்து நான் எடுக்கவா?” என்று கேட்டதும் பாவனி அதிர்ந்து போய்,  “நான் இந்த விவகாரம் லேடீஸ்களிடையே சொன்னேன்” என்று கூற,  ஆனால் ராஜூவோ, “அதை எல்லாம் இந்த விஷயத்தில் பேசாதீர்கள்.” என்று மறுபடியும் கடுகடுத்துவிட்டு அங்கிருந்து நகரத் தொடங்கினார்.

இதேபோல் சுருதியிடம் பேசிய ராஜூ, “உன் மேல தப்பு இல்லனு நீ நெனைச்சா கூட தாமரையிடம் போய் பேசு. நீ இதை செயதால் அவள் ரியாக்‌ஷன் இப்படி பெரிதாக இருக்கும் என்பது உனக்கு தெரியாதா?” என்று கேட்டதுடன்,  “தாமரையிடம் நீ நேரடியாக கேட்டிருந்தால் அவளே கொடுத்திருப்பாள்” என்று தெரிவித்தார்.

சுருதியோ தனக்கு அப்படி ஆடுவதில் உடன்பாடு இல்லை என கூற, “இப்படிதான் ஆடணுமா?” என போகிற போக்கில் பேச, ஆனால் சுருதியோ அழுதுவிட்டார்.