''மாஸ்டர்' ரிலீஸிற்கு பிறகு...'' - கமல்ஹாசன் படம் குறித்து லோகேஷ் கனகராஜ் பதில்

கடந்த சில மாதங்களாக திரைப்படங்கள் நேரடியாக ஓடிடியில் வெளியாகி வரும் நிலையில், 'மாஸ்டர்' திரைப்படம் தியேட்டரில் தான் வெளியாகும் என அதன் தயாரிப்பாளர் தரப்பு உறுதிபட தெரிவித்துள்ளது. இந்நிலையில் இயக்குநர் லோகேஷ் கனகராஜ் கோயம்புத்தூரில் தளபதி விஜய் ரசிகர்கள் சார்பாக மாற்றுத்திறனாளி மாணவர்களுக்கு நலத்திட்ட உதவிகள் வழங்கினார்.

அப்போது செய்தியாளர்களின் கேள்விகளுக்கு பதிலளித்த அவர், மாஸ்டர் படம் ஓடிடியில் வெளியாக வாய்ப்பில்லை. தியேட்டர்கள் திறக்கப்பட்டதும் தியேட்டரில் தான் வெளியாகும். படம் வெளியாகும் தேதியை தயாரிப்பாளர்கள் முடிவு செய்வார்கள். தியேட்டர்கள் விரைவில் திறக்கப்படும் என்று நம்பிக்கை இருக்கிறது.  கமல்ஹாசனுடன் நான் இணையும் படத்தின் பணிகள் துவங்கியிருக்கிறேன். மாஸ்டர் ரிலீஸிற்கு பிறகு அது குறித்து தெரிவிக்கிறேன் என்றார்.

''மாஸ்டர்' ரிலீஸிற்கு பிறகு...'' - கமல்ஹாசன் படம் குறித்து லோகேஷ் கனகராஜ் பதில் வீடியோ