"விக்ரமன் வீட்டுல இருந்து வந்தா இந்த பாட்டு தான்".. ஜாலியா சொன்ன கதிர்.. இது நம்ம List-ல இல்லயே

இதற்கு அடுத்தபடியாக, தற்போது பிக் பாஸ் வீட்டில் Freeze டாஸ்க் நடைபெற்று வருகிறது. இந்த டாஸ்க்கில் மீதமுள்ள 9 போட்டியாளர்களின் பெற்றோர்கள், குடும்பத்தினர் மற்றும் நண்பர்கள் உள்ளிட்டோர் வருகை தந்த வண்ணம் உள்ளனர்.

முந்தைய வார டாஸ்க்கிற்கு மத்தியில் குடும்பத்தினர் குறித்து பேசியும், கடிதங்கள் எழுதியும் நிறைய போட்டியாளர்கள் கண் கலங்கி போயிருந்தனர்.

அப்படி ஒரு சூழலில், இந்த வாரம் தங்களின் குடும்பத்தினர் உள்ளிட்டோர் பிக்பாஸ் வீட்டில் வருகை தருவது அனைத்து போட்டியாளர்களையும் உற்சாகத்தில் ஆழ்த்தி உள்ளது. மைனா நந்தினி, ஷிவின் உள்ளிட்ட பல போட்டியாளர்கள் தங்களின் குடும்பத்தினர் மற்றும் நண்பர்களின் வருகையால் கண் கலங்கவும் செய்கின்றனர்.

மைனா நந்தினியின் கணவர் யோகேஷ் மற்றும் அவரது குழந்தை ஆகியோர் வருகை தந்திருந்தனர். இதே போல ஷிவினின் நண்பர்கள் அங்கே வந்திருந்தனர். இது தவிர அமுதவாணன் மனைவி மற்றும் குழந்தைகளும், பின்னர் மணிகண்டா ராஜேஷை பார்க்க அவரது தாய், மனைவி, குழந்தை மற்றும் நடிகையும், சகோதரியுமான ஐஸ்வர்யா ராஜேஷூம் பிக்பாஸ் வீட்டிற்குள் என்ட்ரி கொடுத்திருந்தனர்.

அதே போல ரச்சிதாவை பார்க்க, அவரது தாய் மற்றும் சகோதரர் உள்ளிட்டோர் வருகை புரிந்திருந்தனர். இதே போல, ஏடிகேவை பார்க்க அவரது தாய் மற்றும் தந்தை ஆகியோர் உள்ளே வந்திருந்தனர். போட்டியாளர்களின் குடும்பத்தினர் வருகை தந்த வண்ணம் இருப்பதால், பிக் பாஸ் வீடே தற்போது எமோஷனல் மோடிற்கு மாறி உள்ளது.

இதனைத் தொடர்ந்து, அசிம், விக்ரமன் மற்றும் கதிரவன் உள்ளிட்டோரின் பெற்றோர்கள் மற்றும் குடும்பத்தினர் வருகை தர உள்ளனர். பொதுவாக, ஒரு போட்டியாளரின் பெற்றோர்கள் அல்லது குடும்பத்தினர் வரும் சமயத்தில், அவர்களுக்கேற்ற பாடல்களையும் பிக் பாஸ் ஒலிபரப்பு செய்து வருகிறது. அதே போல, அவர்கள் போட்டியாளர்கள் இடையே கலந்துரையாடும் விஷயங்கள் கூட பார்வையாளர்கள் பலரையும் வெகுவாக கவர்ந்து வருகிறது.

இந்த நிலையில், விக்ரமன் குடும்பத்தினர் Freeze டாஸ்க்கில் வரும் போது என்ன பாட்டு ஒலிபரப்புவரர்கள் என்பது பற்றி ஜாலியாக கதிரவன் பேசும் விஷயம், அதிகம் வைரலாகி வருகிறது. அசிம், கதிரவன், ADK மற்றும் விக்ரமன் ஆகியோர் உட்கார்ந்து பேசிக் கொண்டிருக்கின்றனர். அப்போது விக்ரமனின் பெற்றோர்கள் வந்தால் எந்த பாட்டு போடுவார்கள் என்பது பற்றி பேசும் கதிரவன், "தாயின் மணிக்கொடி தாயின் மணிக்கொடி சொல்லுக ஜெய்ஹிந்த்" என்ற பாடலை பாடி அதன் பின்னணி இசையையும் ஜாலியாக அவர் இசைக்கிறார். இதனை கேட்டு விக்ரமனும் மறுத்தபடி சிரித்துக் கொண்டிருக்கிறார்.

இது தவிர, வீட்டிற்குள் வந்த போட்டியாளர்களின் உறவினர்கள் மற்றும் குடும்பத்தினர் குறித்தும் அவர்கள் அனைவரும் அமர்ந்து பேசிக் கொண்டிருப்பது தெரிகிறது.