''எஸ்பிபியின் உடல்நிலை சீராக உள்ளது'' - மருத்துவமனை நிர்வாகம் தகவல்

மேலும் எஸ்பிபியின் உடல்நிலை தொடர்பாக அவரது மகன் எஸ்பிபி சரணும் மருத்துவமனை நிர்வாகமும் தினமும் அறிக்கை அளித்து வருகிறது. அந்த வகையில் தற்போது மருத்துவமனை சார்பாக வெளியிட்டுள்ள அறிக்கையில் அவரது உடல்நிலை சீராக உள்ளதாக கூறியுள்ளது.

மேலும் வெண்டிலேட்டர் மற்றும் எக்மோ உதவியுடன் தொடர்ந்து உயிர்காக்கும் சிகிச்சை அளிக்கப்பட்டு வருவதாக கூறப்படுகிறது. முன்னதாக அவரது உடல்நிலை மிகவும் மோசமடைந்ததாக தகவல் பரவிய நிலையில் மருத்துவமனை இவ்வாறு அறிக்கை வெளியிட்டிருப்பது ரசிகர்களிடையே மகிழ்ச்சியை ஏற்படுத்தியுள்ளது.

இந்நிலையில் பிரபல இசையமைப்பாளர் தமன் தனது ட்விட்டர் பக்கத்தில், தவறான தகவல்களை பரப்புவதை நிறுத்துங்கள். எல்லோரும் கடவுளிடம் நன்றாக வேண்டிக்கொள்ளுங்கள் என்று கேட்டுக்கொள்கிறேன். எஸ்.பி.பாலசுப்ரமணியத்தின் உடல் நிலை மேம்பட்டு வருகிறது. நம் வேண்டுதல்கள் நாளுக்கு நாள் அவரது உடல்நிலையை மேம்படுத்தி வருகிறது என்று தெரிவித்துள்ளார்.

Pls stop speculating wrong news I request every one jus to pray well . As he has given wonderful memories for us to always rejoice in life 💜#SPBalasubramanyam gaaru is doing superbly well ♥️

His health has improved a lot ✊

Our prayers are making him better day by day 💚🤍👍🏽

— thaman S (@MusicThaman) August 21, 2020