bigg boss 6 tamil : "அசீம் Mind Game ஆடுறாப்ள".. ராபர்ட், ரச்சிதா பேசிகிட்டது என்ன..? சூடுபிடிக்கும் பொம்மை Task

Also Read | “கார்த்தி 7 மணி நேரம் பாடுனாரு.. பாதி மியூசிக் மித்ரன் தான்”.. சர்தார் சீக்ரெட்ஸ் சொன்ன ஜிவி.!

பிரபலங்கள் மற்றும் மக்கள் மத்தியில் அதிகம் வைரலாக இருக்கும் நபர்கள், இந்த பிக்பாஸ் நிகழ்ச்சியில் போட்டியாளராக தேர்ந்தெடுக்கப்படுவார்கள். இந்த பிக்பாஸ் வீட்டிற்குள் நடக்கும் சவால்கள், சண்டை, கலகலப்பு உள்ளிட்ட பல விஷயங்கள் தான் மக்கள் மத்தியிலும் அதிகம் பேசுபொருளாக இருக்கும்.

அந்த வகையில், இந்த பிக்பாஸ் நிகழ்ச்சியில், யூடியூபர் ஜி.பி.முத்து, இசைக் கலைஞரான அசல் கோலார், சீரியல் நடிகர் அசீம், திருநங்கை ஷிவின் கணேசன், டான்ஸ் மாஸ்டர் ராபர்ட், மாடல் ஷெரினா, கிரிக்கெட் வீரர் ராம் ராமசாமி, ராப் சிங்கரான ஆர்யன் தினேஷ் (ADK), மாடல் ஷெரினா, தொகுப்பாளினி ஜனனி,  KPY அமுதவாணன், VJ மகேஸ்வரி, VJ கதிரவன், சத்யா சீரியல் நடிகை ஆயிஷா, ஈரோடு டிக்டாக் பிரபலம் தனலட்சுமி, நடிகை ரச்சிதா மகாலட்சுமி, ஐஸ்வர்யா ராஜேஷின் சகோதரரான மணிகண்டன் ராஜேஷ், மெட்டி ஒலி ஷாந்தி அரவிந்த், VJ விக்ரமன், மாடல் குயின்சி ஸ்டான்லி, சிங்கப்பூர் மாடல் நிவாஷினி உள்ளிட்ட 20 நபர்கள் உள்ளிட்டோர் பங்கேற்றனர்.

இவர்களுள் பலரையும் கவர்ந்த ஜிபி முத்து, தன் மகன் நினைவாக இருப்பதாக கூறி பிக்பாஸில் இருந்து வெளியேறினார். இதனை தொடர்ந்து முதல் எலிமினேஷனாக ‘மெட்டி ஒலி’ சாந்தி வெளியேற்றப்பட்டார்.  இந்த முறை பிக் பாஸ் வீட்டில் முதல் 40 நாட்களுக்கு நடக்க வேண்டிய சண்டைகள் அனைத்தும் முதல் வாரத்திலேயே நடந்து விட்டதாக கமல்ஹாசன் கடந்த வாரத்தில் தெரிவித்து இருந்தார்.

அதன்படி அசிம் ஆயிஷா சண்டை, தனலட்சுமி ஜனனி சண்டை, ஜனனி ஆயிஷா சண்டை, விக்ரமன் அசீம் சண்டை என பல விதமான சண்டைகள் பலவிதமான டாஸ்குகள் விஸ்வரூபம் எடுத்தன. இதன் தொடர்ச்சியாக தற்போது பொம்மை டாஸ்க் உருவெடுத்திருக்கிறது. இதுவரை அமைதியாக இருந்த மணிகண்டன் ராஜேஷூம் ஒரு கணம் ஆவேசமானதை காண முடிந்தது.

இதில் இரண்டு அணிகளாக பிரிந்து தத்தம் பொம்மையினை டால் தொட்டியில் இருந்து டால் ஹவுஸில் சேர்க்கக் கூடிய டாஸ்க் நடந்துகொண்டிருக்கிறது. இதில் எதிர் அணியினரின் பொம்மையை எடுத்துக்கொண்டும், அவர்களின் பொம்மையை டால் ஹவுஸில் கொண்டு சேர்ப்பதை தடுத்துக் கொண்டும் இந்த கேமை ஆட முடியும். இதில் ரச்சிதா, ராபர்ட் உள்ளிட்ட டீம் அசீமை பற்றி பேசிக்கொள்ளும் பேச்சு பரபரப்பாகியுள்ளது. அதன்படி அசீம்தான் தன்னுடைய பொம்மையை எடுத்து ஆயிஷாவிடம் கொடுத்ததாக ரச்சிதா கூறுகிறார். தொடர்ந்து ராபர்ட்டும் ரச்சிதாவும் அசீம் மைண்ட் கேம் ஆடுவதாக குறிப்பிடுகின்றனர்.

கடந்த வாரங்களை பொறுத்தவரை அசீம் - ஆயிஷா சண்டை பிக்பாஸ் வீட்டில் பெரிதாக வெடித்தது. ரேங்கிங் டாஸ்கில் நடந்த இந்த பிரச்சனையில், அசீம் மற்றும் ஆயிஷா பிறகு சமாதானம் ஆனாலும், வார இறுதியில் கமல்ஹாசன் முன்னிலையில் அசீம், தன் தவறுக்கு மன்னிப்பு கோரி வருத்தம் தெரிவித்தார். இதனிடையே, “நீயும் பொம்மை நானும் பொம்மை” என்கிற இந்த டாஸ்கில், போட்டியாளர்கள் அனைவரும் ஒருவருக்கொருவர் தடுக்கும் பொருட்டு தள்ளுமுள்ளுவில் ஈடுபடக்கூடிய காட்சிகளும் பிக்பாஸ் வீட்டில் பரபரப்பை ஏற்படுத்தியுள்ளன.

Also Read | Bigg boss 6 tamil : தீவிரமாகும் Doll Task.. அச்சோ தலையில அடிப்பட்ருச்சு.. பதறி ஓடிய ஹவுஸ்மேட்ஸ்.. !