Anjali : “நான் அப்படி நெனைக்கல.. என் Goal அது இல்ல..!”.. பேட்டியில் கண்கலங்கிய நடிகை அஞ்சலி..! Exclusive

Also Read | "அவரு தான் காதல் பிசாசு.. பொண்ணு லவ் பண்ணல, அப்பாவுக்கு லவ் வந்துருச்சு 😅".. குயின்சி Exclusive!!

இந்த வெப் சீரிஸ், டிஸ்னி+ ஹாட்ஸ்டாரில் டிசம்பர் 9 முதல் ஒளிபரப்பாகும் என அதிகாரப்பூர்வமாக அறிவிக்கப்பட்டுள்ளது. இந்நிலையில், பிஹைண்ட்வுட்ஸ் யூடியூப் சேனலில், இந்த வெப் சீரிஸ் குறித்து பேசிய நடிகை அஞ்சலியிடம், “அஞ்சலியை யார் தள்ளிவிட்டார்?” என்று கேட்கப்பட்டபோது, “அதை மட்டும் இப்போது சொல்ல முடியாது” என்று சிரித்துக் கொண்டே பதில் சொல்ல தொடங்கினார்.

அதன்படி இப்படம் குறித்து பேசிய நடிகை அஞ்சலி,  “ஃபால் திரைப்படம் ஒரு சுவாரசியமான திரைப்படமாக இருந்தது. இதில் என்னுடைய சப்ஜெக்ட் மிகவும் சுவாரசியமானது. நான் அப்படித்தான் அதை தேர்வு செய்கிறேன். அதற்கு தகுந்தாற்போல் ஃபால்  அமைந்தது. இதில் என்னை யாரோ தள்ளி விடுகிறார்கள். அவர் யார் என்று தெரியவில்லை. நான் கோமாவுக்கு போகிறேன், டிரெய்லர் வரக்கூடிய, நான் விழக்கூடிய அந்த போர்ஷன் இன்னும் சுவாரசியமாக இருக்கும்.  அதிலும் அதையே டைட்டிலாக ஃபால் என வைத்து விட்டார்கள்.  இது மிகவும் நன்றாக இருக்கிறது என்று இயக்குனரிடம் நான் குறிப்பிட்டேன். அதுதான் அதில் கூடுதல் சுவாரசியம்” என்று குறிப்பிட்டார்.

மேலும் “அஞ்சலியை பொறுத்தவரை அஞ்சலி நடித்த ஆனந்தி, மணிமேகலை, லீனா, விஜி, ஜோதி என கதாபாத்திரங்கள் மிகவும் வலிமையாக பேசப்படுகிறது.  இவ்வளவு பெஸ்ட் முனைப்பை கொடுத்தும் அஞ்சலி அண்டர் ரேட்டடு என்று சொல்லப்படுகிறாரா? நீங்கள் இந்த கருத்தை எப்படி பார்க்கிறீர்கள்?” என்று கேட்கப்பட்டது.

இதற்கு பதில் அளித்த அஞ்சலி, “நான் அப்படி பார்க்கவில்லை. எல்லாரும் ஒரே மைண்ட் செட்டில் இருப்பதில்லை. இருக்க வேண்டும் என்றில்லை. ஒவ்வொருவருக்கும் ஒவ்வொரு பாதையை தேர்வு செய்ய உரிமை உள்ளது. எனக்கு இலக்கு வேறு. எனது இலக்கு என்று அவர்கள் நினைத்துக் கொண்டிருப்பது வேறு. நான் எனக்கு வருவதில் சிறந்த கதாபாத்திரங்கள், சிறந்த திரைப்படங்களை தேர்வு செய்கிறேன். தேர்வு செய்ய விரும்புகிறேன். நான்கைந்து திரைப்படங்களில் நடிப்பதை விட ஒரு திரைப்படம் நடித்தாலும் அதில் என்னுடைய கதாபாத்திரம் ஆழமாகவும் பலமாகவும் ரிஜிஸ்டர் ஆகும் கதாபாத்திரமாக இருக்க வேண்டும் என தேர்வு செய்து நடிக்க விரும்புகிறேன்” என்று குறிப்பிட்டார். இவ்வாறு பேசும்போது நடிகை அஞ்சலி கண்கலங்கி எமோஷனலாக பேசினார்.

அஞ்சலி பேசும் முழுமையான பேட்டியை இணைப்பில் உள்ள வீடியோவில் காணலாம்.

Also Read | 'வரலாறு முக்கியம்' படத்துல லேடி கெட்டப்பில் நடிகர் ஜீவா ..? வைரல் ஃபோட்டோ..! Varalaru Mukkiyam

ANJALI : “நான் அப்படி நெனைக்கல.. என் GOAL அது இல்ல..!”.. பேட்டியில் கண்கலங்கிய நடிகை அஞ்சலி..! EXCLUSIVE வீடியோ