'நீங்க வேணும்னா எடுத்துக்கோங்க... 'இந்த மருந்து' எங்களுக்கு வேண்டாம்'!.. ரஷ்ய மருத்துவர்கள் கூறுவது என்ன?.. வெளியான 'பகீர்' தகவல்!

ரஷ்யாவின் கொரோனா தடுப்பு மருந்தை அந்நாட்டு மருத்துவர்கள் பெரும்பாலானோர் ஏற்றுக்கொள்ள மறுப்பதாக தகவல்கள் வெளியாகியுள்ளன.

கொரோனா வைரஸுக்கு எதிரான தடுப்பு மருந்தை மக்கள் பயன்பாட்டுக்கு கொண்டுவருவதாக ரஷ்யா முன்னதாக அறிவித்திருந்தது. Sputnik V என்ற பெயரிடப்பட்டுள்ள அந்த மருந்து தான், உலகின் முதல் கொரோனா தடுப்பு மருந்தாக கருதப்படுகிறது.

ஆனால், இம்மருந்தை உலக சுகாதார நிறுவனம் இன்னும் அங்கீகரிக்கவில்லை. இந்நிலையில், ரஷ்யாவின் 52 விழுக்காடு மருத்துவர்கள் Sputnik V-ஐ ஏற்றுக்கொள்ள மறுப்பதாக அதிர்ச்சி தகவல் வெளிவந்துள்ளது.

RBC செய்தி நிறுவனம் 3000 ரஷ்ய மருத்துவர்களிடம் நடத்திய ஆய்வில், 24 விழுக்காடு மருத்துவர்கள் மட்டுமே தடுப்பூசி போட்டுக்கொள்ள விருப்பம் தெரிவித்துள்ளனர். மேலும், தடுப்பூசிக்கு எதிர்ப்பு தெரிவித்த மருத்துவர்களில், Sputnik V-இல் போதிய தரவுகள் இல்லை என்று ஒரு சிலரும், மிக விரைவாக உருவாக்கப்பட்டுள்ளது என்று ஒரு சிலரும் கருத்து தெரிவித்துள்ளனர்.

இதற்கிடையே, Sputnik V தடுப்பு மருந்தானது 2 ஆண்டுகளுக்கு covid19 வைரஸிடம் இருந்து பாதுகாக்கும் தன்மையுடையதாக ரஷ்ய அரசு கூறியிருக்கிறது.