'உயிர்போகும் தருணத்திலும்'... 'தங்கையை காப்பாற்ற'... '5 வயது சிறுமி செய்த காரியம்'!

உயிருக்குப் போராடும் தருணத்திலும், தனது தங்கையைக் காப்பாற்றிய 5 வயது சிறுமியின் புகைப்படம் காண்போரையும் சோகத்தில் ஆழ்த்தியுள்ளது.

சிரியாவின் மேற்கு இட்லிப்பில் உள்ள அரிஹா என்ற இடத்தில் கிளர்ச்சிப்படைக்கு எதிராக அரசு ஆதரவு ரஷ்ய படை வான்வழித் தாக்குதல் நடத்தியது. இதில் வீடு ஒன்றின் 5-வது தளத்தில் இருந்த குடும்பத்தில் தாய் அஸ்மா சம்பவ இடத்திலேயே உயிரிழந்தார். இடிபாடுகளில் சிக்கி உயிருக்குப் போராடிக் கொண்டிருந்த 5 வயது சிறுமி ரிஹாம், தனது 7 மாத தங்கை துகா-வின் டி சர்ட்-ஐ கெட்டியாகப் பிடித்துக் கொண்டார். இதனால் அந்தக் குழந்தை கீழே விழாமல் உயிர்பிழைத்தது.

மனைவியை இழந்து, இரு குழந்தைகளும் உயிருக்குப் போராடுவதைக் கண்டும், உடனே மீட்க முடியாமல் பரிதவித்துக் கதறும் தந்தையின் காட்சிகள் காண்போரையும் கலங்க வைக்கிறது. இந்த விபத்தில் 7 மாத குழந்தை பலத்த காயங்களுடன் ஆபத்தான நிலையில் சிகிச்சை பெற்று வருகிறது. தனது உயிரே பறிபோகும் தருவாயிலும் நெருக்கடியான சூழலில் தங்கையைக் காப்பாற்றிய 5 வயது சிறுமி ரிஹாம், சிகிச்சை பலனின்றி பரிதாபமாக உயிரிழந்தார்.

#Syria: a father trying to save his children trapped after an airstrike flattened their building in #Ariha (S. #Idlib). The girl didn't survive however. pic.twitter.com/J96i893AsF

— Qalaat Al Mudiq (@QalaatAlMudiq) July 24, 2019