தப்பி தவறிக்கூட கோலி கிட்ட ‘அத’ பண்ணிராதீங்க.. ‘எச்சரிக்கை’ செய்த முன்னாள் கேப்டன்..!
முகப்பு > செய்திகள் > விளையாட்டுஇந்திய அணியின் கேப்டன் விராட் கோலி குறித்து ஆஸ்திரேலிய வீரர்களுக்கு ஸ்டீவ் வாஹ் எச்சரிக்கை செய்துள்ளார்.
![Sledging is not going to worry Virat Kohli, says Steve Waugh Sledging is not going to worry Virat Kohli, says Steve Waugh](http://tamil.behindwoods.com/news-shots-tamil-news/images/sports/sledging-is-not-going-to-worry-virat-kohli-says-steve-waugh.jpg)
ஐக்கிய அரபு அமீரகத்தில் நடந்து வரும் ஐபிஎல் போட்டிகள் தற்போது இறுதி கட்டத்தை எட்டியுள்ளன. ஐபிஎல் தொடருக்குப் பிறகு இந்திய அணி ஆஸ்திரேலியாவுக்கு சுற்றுப்பயணம் மேற்கொள்ள உள்ளது. அங்கு 4 டெஸ்ட்,3 ஒருநாள் மற்றும் 3 டி20 போட்டிகள் கொண்ட தொடரில் விளையாட உள்ளது. இந்தப் போட்டிகளுக்கு இப்போதே ரசிகர்கள் மத்தியில் எதிர்பார்ப்பு ஏற்பட்டுள்ளது.
இந்நிலையில் ஆஸ்திரேலிய கிரிக்கெட் அணியின் முன்னாள் கேப்டன் ஸ்டீவ் வாஹ் விராட் கோலி குறித்து பேசியுள்ளார். அதில்,‘கோலி ஒரு மாஸ்டர் கிளாஸ் பேட்ஸ்மேன். அவர் போன்ற பேட்ஸ்மேன்களிடம் ஸ்லெட்ஜ் செய்யாமல் அமைதியாக இருப்பதே நல்லது. அவரிடம் வாய் கொடுத்து வம்பிழுக்க வேண்டாம். தவறி, வார்த்தை போரில் ஈடுபட்டால், உங்கள் வார்த்தைகள் கோலியை மேலும் உத்வேகமாக விளையாட வைக்கும். அதனால் கோலியை பக்குவமாக கையாளுங்கள். உங்களின் வழக்கமான ஸ்லெட்ஜிங் வியூகங்கள் கோலியிடம் எடுபடாது’ என ஆஸ்திரேலியா வீரர்க்ளுக்கு ஸ்டீவ் வாஹ் எச்சரிக்கை செய்துள்ளார். கடந்த ஆஸ்திரேலிய சுற்றுப்பயணத்தின் போது ஆஸ்திரேலிய வீரர்கள் விராட் கோலியை வம்பிழுத்ததால், அந்த தொடர்பில் கோலி அதிக ரன்கள் அடித்தது குறிப்பிடத்தக்கது.
![](https://www.behindwoods.com/images/spacer.gif)
மற்ற செய்திகள்
![](https://www.behindwoods.com/images/spacer.gif)