''இந்த படத்தை கோடி தடவை பார்த்தாலும் அலுக்காது'' - தனுஷ் படத்தை புகழ்ந்து தள்ளிய பிரபலம்

அறிமுகமான 'துள்ளுவதோ இளமை' முதல் சமீபத்தில் வெளியான 'அசுரன்', 'பட்டாஸ்' வரை படத்துக்கு படம் வித்தியாசமான முயற்சிகள் மூலம் ரசிகர்களை அசரடித்து வருகிறார் தனுஷ். அவரது நடிப்பில் தற்போது கார்த்திக் சுப்புராஜ் இயக்கத்தில் 'ஜகமே தந்திரம்', மாரி செல்வராஜ் இயக்கத்தில் 'கர்ணன்' உள்ளிட்ட படங்கள் அடுத்தடுத்து வெளிவர காத்திருக்கின்றன.

நடிகர் தனுஷ் முதன் முதலாக இயக்கிய படம் 'ப.பாண்டி'. ராஜ்கிரண், ரேவதி, பிரசன்னா உள்ளிட்டோர் முதன்மை வேடத்தில் நடித்திருந்த இந்த படத்துக்கு ஷான் ரோல்டன் இசையமைத்திருந்தார்.

இந்நிலையில் ஷான் ரோல்டன் தனது ட்விட்டர் பக்கத்தில் எழுதியுள்ள பதிவில், ப.பாண்டி பட போஸ்டரை  பகிர்ந்து, ''இந்த படத்தை கோடி தடவை பார்த்தாலும் அலுக்காது. நடிகர் தனுஷின் எவர் கிரீன் படைப்பு'' என்று புகழாரம் தெரிவித்துள்ளார். அதற்கு 'சில்லுக்கருப்பட்டி' பட இயக்குநர் ஹலீதா ஷமீம், ''இந்த படத்தின் பாடல்கள் தனக்கு விருப்பமானவை'' என்று கமெண்ட் செய்துள்ளார்.

இந்த படத்த கோடி தடவ பாத்தாலும் அலுக்காது. @dhanushkraja வின் எவர்க்ரீன் படைப்பு! pic.twitter.com/Vn2U3r14ju

— Sean Roldan (@RSeanRoldan) May 25, 2020