Ponniyin Selvan : ‘பொன்னியின் செல்வன்’ பார்ட் 2 ரிலீஸ் எப்போ ..?.. வேறமாரி அப்டேட்.. #PS2

இந்த படத்தின் எடிட்டிங்கை ஸ்ரீகர் பிரசாத் கவனித்து வருகிறார்,  கலை இயக்குனராக தோட்டா தரணி பணிபுரிந்துள்ளார். ரவி வர்மன் ISC இப்படத்திற்கான ஒளிப்பதிவை செய்துள்ளார். இசைப்புயல் ஏ.ஆர்.ரஹ்மான் இசையமைத்துள்ளார்.

இப்படத்தில் ஆதித்ய கரிகாலன் கதாபாத்திரத்தில் நடிகர் விக்ரமும், வந்தியத்தேவனாக நடிகர் கார்த்தியும், அருண்மொழிவர்மனாக ஜெயம் ரவியும் நடித்தனர். மேலும் இப்படத்தின் புகழ்பெற்ற பெண் கதாபாத்திரங்களான நந்தினியாக ஐஸ்வர்யா ராயும், குந்தவையாக த்ரிஷாவும் நடித்தனர். பெரிய பழுவேட்டரையர் மற்றும் சின்ன பழுவேட்டரையர் வேடத்தில் முறையே சரத்குமார் மற்றும் பார்த்திபன் நடித்தனர். சமுத்திரகுமாரி பூங்குழலி கதாபாத்திரத்தில் ஐஸ்வர்யா லெஷ்மியும், வானதி கதாபாத்திரத்தில் நடிகை சோபிதா துலிபாலாவும் நடித்தனர்.

சோழப் பேரரசின் அரியணைக்கு வரும் தொடர் ஆபத்துகளும், வீரர்களுக்கும் சதிகாரர்களுக்கும் இடையில் நிகழும் போராட்டங்களும், சாதனைகளும், நகைச்சுவையும், தியாகங்களும் கொண்ட விறுவிறுப்பான கதையான‘பொன்னியின் செல்வன்’ படத்தின் ‘பாகம் ஒன்று’ தற்போது வெளியாகி விமர்சன ரீதியாகவும், வசூல் ரீதியாகவும் புதிய சாதனை படைத்து வருகிறது.

லைகா தயாரித்திருக்கும் இத்திரைப்படம் 2 பாகங்களாக பிரம்மாண்டமாக உருவாகி இருக்கிறது. இதில் முதல் பாகமான “பொன்னியின் செல்வன் -1” வரும் கடந்த 2022 செப்டம்பர் 30-ஆம் தேதி திரைக்கு வந்தது. பின்னர் அமேசான் ப்ரைம் வீடியோ ஓடிடி தளத்தில் நவம்பர் 4-ஆம் தேதி முதல் ஒளிபரப்பாக தொடங்கியது.

இந்நிலையில் இப்படத்தின் அடுத்த பாகம் என அனைவரும்  எதிர்பார்த்துக் காத்துக் கொண்டிருந்தனர். அதன்படி பொன்னியின் செல்வன் திரைப்படத்தின் அடுத்த பாகம் 2023-ஆம் ஆண்டு, ஏப்ரல் 28-ஆம் தேதி வெளியாகலாம் என தகவல்கள் தெரியவந்துள்ளன.