கங்கனா ரனாவத் நடிக்கும் 'எமர்ஜன்சி' திரைப்படம்.. BTS போட்டோவுடன் வெளியான முக்கிய அப்டேட்!

Also Read | KGF யாஷ் கூட நடிக்க சான்ஸ் கெடச்சா எப்படி இருக்கும்? ஆசையை வெளிப்படுத்திய பிரபல நடிகை!

சிறந்த நடிப்பிற்காக நான்கு தேசிய விருதுகளை வென்றதன் மூலம் இந்தியா முழுமைக்கும் அறியப்பட்டவர். 2008ம் ஆண்டு வெளியான 'தாம் தூம்' படத்தின் மூலம் தமிழ் சினிமாவில் அறிமுகமானார். சமீபத்தில் இவர் நடித்து வெளியான 'தலைவி' படத்தில் மறைந்த தமிழக முதலமைச்சர் ஜெயலலிதா கதாபாத்திரத்தில் நடித்தார்.

சமீபத்தில் கெஹ்ரையன், காஷ்மீர் பைல்ஸ், கங்குபாய் படங்களுக்கும், ஆஸ்கார் - கிராமி விருதுகள் குறித்து கங்கனா தெரிவித்த கருத்துக்கள் விவாதத்தை கிளப்பின. கடைசியாக கங்கனா ரனாவத், ஸ்பை ஆக்‌ஷன் த்ரில்லர் படமான 'தாகத்' படத்தில் நடித்து இருந்தார்.

இந்நிலையில் கங்கனா ரனாவத் தனது அடுத்த படமான எமர்ஜென்சிக்கான முன் தயாரிப்பில் ஈடுபட்டுள்ளார். இன்ஸ்டாகிராமில் BTS புகைப்படங்களைப் பகிர்ந்து கொண்டார், மேலும் அவர் ஒரு திரைப்பட தயாரிப்பாளராக இருப்பது மிகவும் வசதியானது என்றும் குறிப்பிட்டுள்ளார். "நான் நடிக்கும் அனைத்து பாத்திரங்களிலும், நான் ஒரு திரைப்பட தயாரிப்பாளராக இருப்பதில் மிகவும் வசதியாக உணர்கிறேன்," என்று குறிப்பிட்டுள்ளார்.

முன்னதாக, படம் பற்றி குறிப்பிட்ட கங்கனா, “இயக்குனர் தொப்பியை மீண்டும் அணிந்ததில் மகிழ்ச்சி. ஒரு வருடத்திற்கும் மேலாக எமர்ஜென்சியில் பணியாற்றிய பிறகு, என்னை விட வேறு யாராலும் அதை சிறப்பாக இயக்க முடியாது என்று நான் இறுதியாகக் உணர்ந்தேன். அற்புதமான எழுத்தாளர் ரித்தேஷ் ஷாவுடன் இணைந்து பணியாற்ற உள்ளேன். பலவிதமான நடிப்புப் பணிகளில் தியாகம் செய்தாலும், இதைச் செய்வதில் உறுதியாக இருக்கிறேன். என் உற்சாகம் அதிகமாக உள்ளது. இது ஒரு மகத்தான பயணமாக இருக்கும். எமர்ஜென்சி இந்திரா காந்தியின் வாழ்க்கை வரலாறு அல்ல" என்று கங்கனா ரணாவத் ஏற்கனவே குறிப்பிட்டிருந்தார்.

தற்போதைய இந்தியாவின் சமூக-அரசியல் நிலப்பரப்பைப் புரிந்துகொள்ள புதிய தலைமுறைக்கு உதவும் "பிரமாண்ட பீரியட் படம்" என்று கங்கனா குறிப்பிட்டுள்ளார்.

Also Read | உலகின் உயரமான மிகப்பெரிய திரையில் 'விக்ரம்' படத்தின் டிரெய்லர்..வீடியோவுடன் வந்த மாஸ் UPDATE