விவேக்கிற்கு அஞ்சலி செலுத்திய நடிகை ரம்யா பாண்டியன்... என்ன செய்திருக்கிறார் பாருங்க..!

தனது திரைப்படங்கள் மூலமாக சமூக விழிப்புணர்வு கருத்துக்களை கூறி, ‘சின்ன கலைவாணர்’ என அனைவராலும் ஒருமனதாக பாராட்டப்பட்ட, பத்மஸ்ரீ நடிகர் விவேக், கடந்த சில தினங்களுக்கு முன் காலமானார். அதேபோல, நிஜ வாழ்க்கையில் இயற்கையை பாதுகாக்கும் முயற்சியில் தன்னை அர்ப்பணித்துக்கொண்ட விவேக், மரம் நடுதலின் அவசியத்தை அனைவரிடமும் வலியுறுத்தி வந்தார். மேலும் தனது வாழ்நாளில் ஒரு கோடி மரக்கன்றுகளை நடவேண்டும் என்பதை தனது லட்சிய கனவாக கொண்டு செயல்பட்டு வந்த அவர், 33 லட்சம் மரக்கன்றுகளை நட்டு செயற்கரிய பணியையும் செய்துவிட்டு சென்றுள்ளார்.

இந்நிலையில் அவருக்கு அஞ்சலி செலுத்தும் விதத்தில் நடிகையும் பிக்பாஸ் போட்டியாளரான ரம்யா பாண்டியன் நடிகர் விவேக்கின் ஞாபகமாக அவரது வயதான 59 மரக்கன்றுகளை திருவள்ளூர் எஸ்பி அலுவலகத்தில் நட்டுவைத்து தனது அஞ்சலியை நிறைவேற்றியுள்ளார்.