வாடகைத்தாய் மூலம் இரட்டைக் குழந்தைக்கு தாயானார் பிரீத்தி ஜிந்தா..! நெகிழ்ச்சி பதிவு!

இயக்குனர் மணிரத்னம் இயக்கிய உயிரே படத்தில், ஷாருக் கானுடன் நடித்திருந்ததன் மூலம் தமிழில் பிரபலமான பிரபல இந்தி நடிகை ப்ரீத்தி சிந்தா. இவர் அமெரிக்காவை சேர்ந்த தன் நீண்ட கால நண்பர் ஜீன் குட் இனாஃப் என்பவரை 2016-ம் ஆண்டு லாஸ் ஏஞ்சல்ஸில் திருமணம் செய்து கொண்டார். 

இந்நிலையில் தற்போது ப்ரீத்தி சிந்தா மற்றும் ஜீன் குட் இனாஃப் தம்பதிக்கு வாடகை தாயின் மூலம் இரட்டை குழந்தைகள் பிறந்துள்ளனர். இந்த மகிழ்ச்சியான செய்தியைப் பகிர்ந்துக் கொள்ளும் விதமாக ப்ரீத்தி ஜிந்தா தமது சமூக வலைப்பக்கத்தில், “அனைவருக்கும் வணக்கம், இன்று உங்களுடன் ஒரு அற்புதமான செய்தியைப் பகிர்ந்துக் கொள்ள விரும்புகிறேன்.

Hi everyone, I wanted to share our amazing news with all of you today. Gene & I are overjoyed & our hearts are filled with so much gratitude & with so much love as we welcome our twins Jai Zinta Goodenough & Gia Zinta Goodenough into our family. pic.twitter.com/wknLAJd1bL

— Preity G Zinta (@realpreityzinta) November 18, 2021

ஜெய் ஜிந்தா குட் எனாஃப் மற்றும் கியா ஜிந்தா குட் எனாஃப் ஆகிய எங்கள் இரட்டை குழந்தைகளை எங்களது குடும்பத்திற்கு வரவேற்பதில் ஜீனும் நானும் மிகவும் மகிழ்ச்சியடைகிறோம். எங்கள் இதயங்கள் நன்றியுடனும், மிகுந்த அன்புடனும் நிரம்பியுள்ளன. எங்கள் வாழ்க்கையில் இந்த புதிய கட்டத்தில் நாங்கள் உற்சாகமாக இருக்கிறோம். நம்ப முடியாத இந்த பயணத்தின் ஒரு பகுதியாக இருந்த டாக்டர்கள், செவிலியர்கள் மற்றும் எங்கள் வாடகை தாய் அனைவருக்கும் மனமார்ந்த நன்றி. அன்புடன் - ஜீன், ப்ரீத்தி, ஜெய் & கியா" என்று குறிப்பிட்டுள்ளார்.