PS2: சோழ தேசத்துக்கு வருகை தரும் பொன்னியின் செல்வன் படக்குழு.. எப்போ? வெளியான சூப்பர் தகவல்

பொன்னியின் செல்வன் படத்தின்

முதல் பாகமான “பொன்னியின் செல்வன் -1”  கடந்த 2022 செப்டம்பர் 30 ஆம் தேதி திரையரங்குகளில் வெளியானது.

படத்திற்கு ரசிகர்கள் மத்தியில் பெரும் வரவேற்பு நிலவியது. 

இந்த படம் உலகம் முழுவதும் 500+ கோடி ரூபாயை வசூலித்து சாதனை படைத்தது.

பொன்னியின் செல்வன் படத்தின் இரண்டாம் பாகம்  PS-2 திரைப்படம் 2023 ஆம் ஆண்டு ஏப்ரல் மாதம் 28 ஆம் தேதி திரையரங்குகளில் வெளியாகும் என  அதிகாரப்பூர்வமாக அறிவிக்கப்பட்டுள்ளது.

இந்த படத்தில் நடிகர்கள் சியான் விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்யா லெக்ஷ்மி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரஹ்மான், அஸ்வின், ஷோபிதா துலிபாலா ஆகியோர் நடித்துள்ளனர்.

இந்த பொன்னியின் செல்வன் படத்தின் எடிட்டிங்கை ஸ்ரீகர் பிரசாத் கவனித்துள்ளார்,  கலை இயக்குனராக தோட்டா தரணி பணிபுரிந்துள்ளார். ரவி வர்மன் ISC இப்படத்திற்கான ஒளிப்பதிவை செய்துள்ளார். இசைப்புயல் ஏ.ஆர்.ரஹ்மான் இசையமைத்துள்ளார்.

  இந்த படத்தின் தமிழக ரிலீஸ் உரிமத்தை பிரபல ரெட் ஜெயன்ட் மூவிஸ் நிறுவனம் கைப்பற்றியுள்ளது என்று அதிகாரப்பூர்வமாக அறிவிக்கப்பட்டுள்ளது.

சில நாட்களுக்கு முன் நேரு ஸ்டேடியத்தில் இந்த படத்தின் இசை வெளியீட்டு விழா மற்றும் டிரெய்லர் வெளியீட்டு விழா நடைபெற்றது. இதில் படக்குழுவினர் மற்றும் நடிகர் கமல்ஹாசன், சிலம்பரசன் ஆகியோர் கலந்து கொண்டனர்.

இந்நிலையில் பொன்னியின் செல்வன் திரைப்படத்தை விளம்பரப்படுத்த படக்குழுவினர் இந்தியாவில் உள்ள பல்வேறு நகரங்களில் சுற்றுப்பயணம் மேற்கொள்ள உள்ளனர். அதன் விவரங்கள் தற்போது வெளியாகி உள்ளன.

ஏப்ரல் மாதம் 15 ஆம் தேதி சென்னையிலும், 16 ஆம் தேதி கோயம்புத்தூரிலும், 17 ஆம் தேதி மீண்டும் சென்னையிலும், 18 ஆம் தேதி டெல்லியிலும், 20 ஆம் தேதி கொச்சியிலும், 22 ஆம் தேதி பெங்களூரிலும், 23 ஆம் தேதி ஐதராபாத் நகரிலும் , 24 - 25 ஆகிய தேதிகளில் மும்பை மாநகரிலும், ஏப்ரல் 26 ஆம் தேதி சோழ நாடான திருச்சி நகரிலும் நடைபெறும் நிகழ்வுகளில் பொன்னியின் செல்வன் -2 படக்குழுவினர் கலந்து கொள்வார்கள் என்று அதிகாரப்பூர்வமாக அறிவிக்கப்பட்டுள்ளது.

#PS2CholaTour starts with the #PS2Anthem launch event today at 7 PM in the presence of @arrahman sir!

The #Cholas are coming to your city!

📍Chennai - Coimbatore - Delhi - Cochin - Bengaluru - Hyderabad - Mumbai - Trichy!#CholasAreBack#PS2 #PonniyinSelvan2 #ManiRatnam… pic.twitter.com/uWG0mjHHQR

— Lyca Productions (@LycaProductions) April 15, 2023