'எதிர்பார்ப்பை' அதிகரிக்கும் ‘தனுஷின்’ கர்ணன் பட FirstLook வெளியீடு!

கதாநாயகியாக ரெஜினா விஜயன் நடிக்கும் இப்படத்தில் ராஜிஷா, லால், யோகிபாபு, லட்சுமி பிரியா, கவுரி கிஷன் ஆகியோரும் நடிக்கின்றனர். கலைப்புலி தாணு தயாரித்துள்ள இந்தப் படத்துக்கு சந்தோஷ் நாராயணன் இசையமைத்துள்ளார்.

கடந்த டிசம்பர் மாதம் இப்படத்தின் படப்பிடிப்பு நிறைவடைந்த நிலையில் வரும் ஏப்ரல் மாதம் திரையரங்குகளில் இப்படம் வெளியாகவுள்ளதாக படக் குழு அறிவித்திருந்தது. இதனிடையே படத்தின் டப்பிங் பணிகள் நிறைவடைந்துவிட்டதாக தனுஷ் தனது ட்விட்டர் பதிவில் குறிப்பிட்டிருந்தார்.

இதனை அடுத்து தனுஷ் கதறி அழுவது போன்றதொரு படத்தையும் இயக்குநர் அண்மையில் தன் பக்கத்தில் பதிவிட்டிருந்தார்.

#Karnan in theaters worldwide from 9.4.2021 (April 9th) 🙏🏽 Here is the #KarnanFirstLook poster! See you all in Theaters 🙌🏽@KarnanTheMovie@dhanushkraja @mari_selvaraj @Music_Santhosh @RIAZtheboss pic.twitter.com/IEI7uzaFbj

— Kalaippuli S Thanu (@theVcreations) February 14, 2021

இந்நிலையில் தனுஷின் கர்ணன் படத்தின் முதல் பார்வை காதலர் தினத்தன்று வெளியிடப்பட்டுள்ளது. இந்த போஸ்டரில் தனுஷ் சில போராட்ட காயங்களுக்கு பிறகு கைகளில் விலங்கு மாட்டியபடி தோற்றமளிக்கிறார்.

இந்த ஃபர்ஸ்ட் லுக் போஸ்டரை வெளியிட்ட படக்குழுவினர், அத்துடன் வரும் ஏப்ரல் 9-ஆம் தேதி திரையரங்குகளில் 'கர்ணன்' படம் வெளியாகும் என்றும் அறிவிக்கப்பட்டுள்ளது.