அண்ணன் - தங்கை செண்டிமெண்ட் படம்!.. பிரபல இளம் ஹீரோவுக்கு தங்கையாகும் BiggBoss அனிதா சம்பத்!

இயக்குனர் மார்ட்டின் நிர்மல் குமார் இயக்கத்தில், நடிகர் விமல் நடிக்கும் இந்த புதிய படம் தற்போது உருவாகி கொண்டிருக்கிறது. குடும்ப உறவுகளையும் மையமாக வைத்து உருவாகியுள்ள இந்த்ஃ புதிய படத்தில் நடிகர் விமல் கதாநாயகனாக நடிக்க, இப்படத்தில் விமலின் தந்தையாக பாண்டியராஜன் நடிக்கிறார்.

இப்படத்தில் விமலுக்கு சகோதரியாக செய்தி வாசிப்பாளராக இருந்து நடிகையான பிக்பாஸ் பிரபலமான அனிதா சம்பத் நடிக்கிறார். தன் தங்கைக்கு திருமணம் செய்து வைக்க போராடும் ஒரு அண்ணனின் வாழ்வை மையமாகக் கொண்டு இப்படம் உருவாக்கப்பட்டுள்ளது.

இப்படத்தில் வத்சன் வீரமணி, ஆடுகளம் நரேன், பாலசரவணன், தீபா, நேகா நடிக்கின்றனர். இப்படத்துக்கு மார்ட்டின் நிர்மல் குமார் மற்றும் வத்சன் வீரமணி திரைக்கதை எழுத, கமில் ஜே அலெக்ஸ் ஒளிப்பதிவு செய்கிறார்.  காட்வின் இப்படத்துக்கு இசையமைக்கிறார்.