'ஒரு நாளைக்கு 12 மணிநேரம் வேலை'.. பிரபல நிறுவனம் ஆதரவு!

ஒரு நாளைக்கு 12 மணிநேரம் வேலை செய்ய வேண்டும் என்பதை, சீனாவின் மிகப் பெரிய கோடீஸ்வரர் மற்றும் அலிபாபா இணை நிறுவனர் ஜாக் மா ஆதரித்து கருத்து தெரிவித்துள்ளது சர்ச்சைக்குள்ளாகியுள்ளது.

'1970 முதல் 2000-ம் ஆண்டு வரை சீனாவின் பொருளாதார வளர்ச்சி தொடர்ந்து 10 சதவீதத்திற்கு அதிகமாகவே இருந்த வந்தது. அது தற்போது குறைந்து 6 சதவீதமாக உள்ளது. எனவே சீனாவின் தொழில்துறையில் இயல்பாகக் கணப்படும் 996 என்ற செயல் முறையைக் கடைபிடிக்கும்போது மீண்டும் பொருளாதாரத்தை வளர்ச்சி பாதைக்கு அழைத்துச் செல்லலாம்' என்று அலிபாபா இணை நிறுவனர் ஜாக் மா கூறியிருப்பது பரபரப்பை ஏற்படுத்தியுள்ளது.

996 என்றால் காலை 9 முதல் மாலை 9 மணிவரை என வாரத்திற்கு 6 நாட்கள் வேலை செய்ய வேண்டும் என்பதே இதன் அர்த்தமாகும். அதாவது ஒருநாளைக்கு 12 மணிநேர வேலை, வாரத்திற்கு 6 நாட்கள் வேலை செய்ய வேண்டும் என்பதே 996 ஆகும். ஜாக் மாவின் இந்தக் கருத்துக்கு சீனாவில் உள்ள தொழிலாளர்கள் சங்கங்களிலிருந்து எதிர்ப்புகள் வந்த வண்ணம் உள்ளன.

இந்நிலையில் 'யாரெல்லாம் தங்கள் வேலையை விரும்பிச் செய்கிறார்களோ, அவர்கள் 966-ஐ ஆதரிப்பார்கள்' என்று அலிபாபா நிறுவனர் ஜாக் மா மீண்டும் கருத்து தெரிவித்துள்ளார். முதலில் கூறிய கருத்துக்கு ஏற்கனவே சர்ச்சைக்குள்ளான நிலையில், தற்போது நாங்கள் என்ன வேலை செய்யப் பிடிக்காமல், கடமைக்காகவா வேலை செய்து வருகிறோம் என்றும் தொழிலாளர்கள் மத்தியில் மீண்டும் சர்ச்சை வெடித்துள்ளது.