‘பெரும்பான்மைக்கு தேவை 36 தொகுதிகள்’.. ‘50-ஐ கடந்து ஆம் ஆத்மி கட்சியும், புதுடெல்லியில் அரவிந்த் கெஜ்ரிவாலும் முன்னிலை!’

டெல்லி சட்டப்பேரவை தேர்தலை அடுத்து, 21 மையங்களில் இன்று தொடங்கியுள்ள வாக்கு எண்ணிக்கை விறுவிறுப்பாக நடந்துவரும் சூழலில், அரவிந்த் கெஜ்ரிவாலின் ஆம் ஆத்மி கட்சி 50க்கும் மேற்பட்ட இடங்களில் முன்னிலை வகிக்கிறது.

காலை 9 மணி நிலவரப்படி மொத்தம் உள்ள 70 தொகுதிகளில் ஆம் ஆத்மி வேட்பாளர்கள் 50க்கும் மேற்பட்ட இடங்களில் முன்னிலையில் உள்ளனர். டெல்லி முதலமைச்சர் அரவிந்த் கெஜ்ரிவால் புதுடெல்லி தொகுதியில் முன்னிலையில் உள்ளார்.

கடந்த 2017-ஆம் ஆண்டு ஆம் ஆத்மி 70 தொகுதிகளில், 67 தொகுதிகளையும், பாஜக 3 தொகுதிகளையும் கைப்பற்றியிருந்தன. இந்நிலையில் தற்போது பெரும்பான்மைக்கு 36 இடங்கள் தேவை என்கிற நிலையில் ஆம் ஆத்மி கட்சி 50 இடங்களுக்கு மேல் முன்னிலை வகித்து வருவது குறிப்பிடத்தக்கது. பிற்பகலுக்குள் முடிவுகள் முழுமையாக தெரியலாம் என தகவல்கள் வெளியாகியுள்ளன.