பொங்கல் ரேஸில் இணையுதா? விஷாலின் ‘வீரமே வாகை சூடும்’.. உண்மை என்ன? முழு விபரம்!

விஷாலின் நடிப்பிற்கு முக்கியத்துவம் கொடுத்து உருவாகிவரும் படம் “வீரமே வாகை சூடும்”. அதிகார பலம் படைத்தவர்களை எதிர்கொள்ளும்  சாமானியன் ஒருவனின் கதையில் விஷாலின் மாறுபட்ட நடிப்பில் உருவாகியுள்ளது இப்படம். அனைத்து ரசிகர்களும் ரசிக்கும் வகையிலான கமர்ஷியல் ஆக்சன் படமாக இப்படம் உருவாகியுள்ளது.

வீரமே வாகை சூடும் நடிகர்கள்

அதிகார மட்டத்திற்கு எதிரான எளியவனின் போராட்டமாக உருவாகியுள்ள இப்படத்தின் டீசர் 25.12.2021 அன்று வெளியானது. இப்படத்தில் விஷால் ஜோடியாக டிம்பிள் ஹயாதி நாயகியாக நடிக்கிறார். யோகிபாபு, மாரிமுத்து, துளசி, கவிதா பாரதி, RNR மனோகர்,  பாபுராஜ், பில்லி முரளி, ரவீனா, KSG வெங்கடேஷ், 

மஹா காந்தி, மரியம் ஜார்ஜ், தீப்தி முக்கிய கதாப்பாத்திரங்களில் நடிக்கிறார்கள்.

கலைஞர்கள் விபரம்

விஷால் ஃபிலிம் பேக்டரி சார்பில் நடிகர் விஷால் இப்படத்தினை தயாரிக்கிறார். து.பா. சரவணனன் எழுதி இயக்குகிறார். முன்னணி இசையமைப்பாளர் யுவன் சங்கர் ராஜா இப்படத்திற்கு இசையமைக்கிறார். கவின் ராஜ்  ஒளிப்பதிவு செய்ய, N.B.ஶ்ரீகாந்த் படத்தொகுப்பு செய்கிறார். S.S.மூர்த்தி கலை இயக்கம் செய்ய, வாசுகி பாஸ்கர் உடை வடிவமைப்பு செய்கிறார். ஒலி அமைப்பை தபஸ் நாயக் செய்கிறார். அனல் அரசு, ரவி வர்மா, தினேஷ் சண்டைகாட்சிகளை அமைக்கின்றனர். விளம்பர வடிவமைப்பை கண்ணதாசன் செய்கிறார். மக்கள் தொடர்பு பணிகளை ஜான்சன் செய்கிறார். பாலா கோபி எக்ஸிக்யூட்டிவ் புரடியூசராக பணியாற்றுகிறார்.

வீரமே வாகை சூடும் ரிலீஸ் அறிவிப்பு

இப்படம் ஹைதராபாத்தின் பல பகுதிகளிலும்,  சென்னையை சுற்றியுள்ள பகுதிகளிலும் படமாக்கப்பட்டுள்ளது. படத்தின் இறுதி பதிப்பு தயாரான நிலையில் தற்போது படத்தின் வெளியீட்டு பணிகளில், படக்குழு தீவிரம் காட்டி வருகிறது. மிக சமீபத்தில்தான் அறிவிக்கப்பட்ட இப்படத்தின் அனைத்துக் கட்ட பணிகளையும் முடிந்திருந்தன. 

இதனை அடுத்து, தற்போது இப்படம் ரிலீஸூக்கு தயாராகி வருகிறது. அதன்படி இந்த திரைப்படத்தை வரும் 2022 ஜனவரி 26-ஆம் தேதி அன்று படத்தை வெளியிட படக்குழு ஏற்கனவே திட்டமிட்டு அறிவித்திருந்த நிலையில், தற்போது இப்படம் ஜனவரி 14-ஆம் தேதி வெளியாக வாய்ப்புள்ளதாக தகவல்கள் பரவி வருகின்றன. எனினும் இதுகுறித்த அதிகாரப்பூர்வ அறிவிப்பு படக்குழுவினர் தரப்பில் இருந்து இன்னும் வெளியாகவில்லை என்பது குறிப்பிடத்தக்கது.