"ரியோவுக்கு சப்போர்ட் பண்ணுங்க ஆனா ஆரியை"... ரசிகருக்கு ரியோவின் மனைவி கொடுத்த பதிலடி..!

இந்நிலையில் ரியோவின் மனைவி தற்போது ஒரு பதிவிட்டுள்ளார். அதில் அவர் கூறும்போது "ரியோவை அவமானப்படுத்தும் விதத்தில் சில கமெண்டுகளில் அவரை கோமாளி என்று அழைப்பதை பார்த்தேன். எனக்கு மிகவும் சந்தோஷம் தான். தன்னுடைய கவலைகளை மறைத்து மற்றவர்களை சிரிக்க வைப்பதற்காக போராடும் ஒருவரை  நான் நேசிக்கிறேன் என்பது எனக்கு பெருமையை.

நீ கோமாளியாவே இரு. மற்றவர்களுக்கு ஒரு ஊன்றுகோலாக இரு. ஒரு சிறந்த பொழுதுபோக்கு கலைஞருக்கு கிடைக்கக்கூடிய மிகப்பெரிய பட்டம் கோமாளி. ஒருவரை சிரிக்க வைப்பது அத்தனை சுலபமல்ல. அவரை கோமாளி என்று அழைக்கும் அனைவரும் அவரது நகைச்சுவை உணர்வை தான் பாராட்டுகிறார்கள். அவர் ஒரு சிறந்த பொழுதுபோக்கு கலைஞர். அன்பை பகிருங்கள். இந்த எதிர்ப்பையும் மீறி நீ ஒளிர வேண்டும் ரியோ" என்று கூறியுள்ளார்.

அப்போது ரசிகர் ஒருவர் அந்த பதிவிற்கு கீழே "ஆமாம் ரியோ சிறந்தவர் தான், அந்த பொய்யான ஆரியை விட" என்று கூறியிருந்தார். அதற்கு பதிலளித்துள்ள ஸ்ருதி "ரியாவுக்கு ஆதரவு கொடுங்கள். ஆனால் மற்ற எந்த போட்டியாளரையும் இங்கே குறைவாக பேச வேண்டாம். ஆரி அண்ணாவும் ஒரு சிறந்த மனிதர். பிக்பாஸ் வீட்டுக்குள் சென்றபோது அதை பார்த்தேன். எல்லாரும் அவர்கள் விளையாட்டைதான் விளையாடுகிறார்கள்" என்று கூறியுள்ளார்.

Support rio.. but pls lets not defame any contestant here. :) aari anna is also a good human being :) I saw that when I went inside :) everyone is just playing their game..

— sruthi ravi (@sruthi137) January 5, 2021