60வது பிறந்தநாளில் வைரஸிற்கு எதிராக களமிறங்கிய லாலேட்டன் - குவியும் பாராட்டு !

நடிகர் மோகன்லால் மலையாளம் மட்டுமல்லாது தமிழ், தெலுங்கு, ஹிந்தி என எல்லா மொழி படங்களிலும் நடித்துள்ளார். குறிப்பாக தமிழில் மணிரத்னத்தின் 'இருவர்', 'சிறைச்சாலை', 'உன்னைப் போல் ஒருவன்', 'ஜில்லா' போன்ற படங்களின் மூலம் என்றென்றும் நினைவில் கொள்ளத்தக்க வேடங்களை செய்திருக்கிறார்.

இந்நிலையில் இன்று (21/05/2020 ) நடிகர் மோகன்லால் தனது 60 வது பிறந்தநாளை கொண்டாடுகிறார். இதனை முன்னிட்டு அவர் Behindwoods Ice சேனலுக்கு பிரத்யேகமாக பேட்டியளித்தார். அப்போது பேசிய அவர், தனது அப்பா  விஷ்வநாதன் மற்றும் அம்மா சாந்தகுமாரி பெயரில் விஷ்வசாந்தி ஃபவுண்டேசன் என்ற பெயரில் தொண்டு நிறுவனம் நடத்தி வருவதாக தெரிவித்தார்.

மேலும் இந்த நிறுவனத்தின் மூலம் தொடர்ச்சியாக பல்வேறு உதவிகளை செய்து வருகிறார். அதன் ஒரு பகுதியாக கொரோனா வைரஸ்க்கு எதிராக போராடும் விதமாக மும்பை அரசு மருத்துவமனைக்கு பாதுகாப்பு உபகரணங்களான PPE கருவிகளை வழங்கியுள்ளதாக தெரிவித்தார்.

60வது பிறந்தநாளில் வைரஸிற்கு எதிராக களமிறங்கிய லாலேட்டன் - குவியும் பாராட்டு ! வீடியோ