ஜெயலலிதாவின் பயோபிக் - தலைவிக்காக தயாராகும் கங்கனா ரனாவத்!

தமிழில் கடந்த 2008ம் ஆண்டு ஜெயம் ரவி நடிப்பில் வெளியான ‘தாம் தூம்’ திரைப்படத்தை தொடர்ந்து நடிகை கங்கனா ரனாவத், மறைந்த தமிழக முதல்வர் ஜெயலலிதாவின் வாழ்க்கை வரலாற்று படத்தில் ஜெயலலிதாவின் கதாபாத்திரத்தை ஏற்று நடிக்கிறார்.

விஷ்ணு வர்தன் இந்துரி மற்றும் சாய்லேஷ் ஆர் சிங் உள்ளிட்டோர் இணைந்து தயாரிக்கும் இப்படத்திற்கு ‘பகுபலி’, ‘மணிகர்னிகா’ உள்ளிட்ட படங்களுக்கு கதை எழுதிய கே.வி.விஜயேந்திர பிரசாத் கதை எழுதியுள்ளார். நீரவ் ஷா ஒளிப்பதிவு செய்ய, ஜி.வி.பிரகாஷ் இசையமைக்கும் இப்படத்திற்கு மதன் கார்கி பாடல்கள் எழுதுகிறார்.

இந்நிலையில், நடிகை கங்கனா, இப்படத்தில் 4 வித்தியாசமான வயதுடைய தோற்றத்தில் நடிக்கவிருப்பதாகவும், அதற்காக ஹாலிவுட் மேக்-அப் ஆர்ட்டிஸ்ட் ஜேசன் காலின்ஸ் ஒப்பந்தம் செய்யப்பட்டிருப்பதாகவும் தெரிவிக்கப்பட்டது. அதைத் தொடர்ந்து லாஸ் ஏஞ்சல்ஸில் உள்ள ஸ்டூடியோவில் மிகவும் கடினமான புரோஸ்தெடிக் மேக்-அப்பிற்கு பொறுமையாக தயாராகும் புகைப்படங்கள் வைரலாகி வருகிறது.

இப்படம் தமிழ், தெலுங்கு மற்றும் ஹிந்தி ஆகிய மொழிகளில் ‘தலைவி’ என்ற தலைப்பில் வெளியாகும் என தெரிகிறது.

This is how measurements for prosthetics are taken, it’s not easy to be an actor, Kangana so calm even in something which is so suffocating for us to even watch 😰 pic.twitter.com/APQ9OSP2aT

— Rangoli Chandel (@Rangoli_A) September 19, 2019