நடிகை சித்ரா நடித்த கால்ஸ்.... படத்தை பார்த்து கண்ணீர் விட்ட பிரபலங்கள்... காரணம் என்ன...?

முகப்பு > சினிமா செய்திகள்

By Priyanka | Feb 25, 2021 03:50 PM

மறைந்த நடிகை வி.ஜே சித்ராவின் கடைசிப் படமான கால்ஸ் படத்தின் ட்ரெய்லர் பிற மொழி மக்கள் மத்தியில் நல்ல வரவேற்பைப் பெற்றுள்ளது. பாண்டியன் ஸ்டோர்ஸ் தொடரின் மூலம் பிரபலமடைந்தவர் நடிகை சித்ரா. ஆரம்பத்தில் தொலைக்காட்சி நிகழ்ச்சிகளில் தொகுப்பாளராக பணியாற்றினாலும், அவரை புகழின் உச்சிக்கு அழைத்துச் சென்றது பாண்டியன் ஸ்டோர் தொடர் தான். அந்த தொடரில் வரும் குமரன், முல்லை ஜோடிக்கு ஏராளமான ரசிகர்கள் இருக்கின்றனர். இப்படி இருக்கும்போது சித்ரா சமீபத்தில் மரணமடைந்த செய்தி கேட்டு அனைவரும் அதிர்ச்சி அடைந்தனர். சின்னத்திரை மூலம் தமிழ் ரசிகர்களுக்கு அறிமுகமாகி மக்கள் மனதில் நீங்கா இடம் பிடித்தவர் வி.ஜே சித்ரா. இன்னமும் அவர் மக்கள் மத்தியில் வாழ்ந்து வருகிறார். அவர் திடீரென இறந்தது தமிழகத்தில் பெரும் அதிர்வலைகளை ஏற்படுத்தியது.

Chithra calls movie celebrity screening நடிகை சித்ரா நடித்த கால்ஸ்

Click Here for All New Titles Releasing Directly on OTT (List Updates Daily)

சினிமா துறையில் சாதிக்க நினைக்கும் பல பெண்களுக்கு எடுத்து காட்டாக விளங்கிய அவரின் மரணம் பலபேருக்கு அதிர்ச்சியை ஏற்படுத்தியது. இந்நிலையில் அவர் இறப்பிற்கு முன் நடித்த படம் கால்ஸ் இப்படத்தின் ட்ரெய்லர் வெளியாகி மக்கள் மத்தியில் பெரும் வரவேற்பைப் பெற்றுள்ளது. மேலும் 2 மில்லியனுக்கு மேற்பட்ட பார்வையாளர்களால் பார்க்கப்பட்டு வருகிறது. மேலும் சித்ராவின் சமீப கால நிகழ்வுகள் படத்தின் ட்ரெய்லர் உடன் ஒத்துப்போவதால் அதிர்ச்சி அடைந்துள்ளனர். திரு.ஜெ.சபரிஷ் இப்படத்தை இயக்கியுள்ளார். இந்நிலையில் சித்திராவின் முதல் மற்றும் கடைசி திரைப்படமான கால்ஸ் அவரது பெற்றோர் மற்றும் சினிமா பிரபலங்களுக்கு முதல்முறையாக ஒளிபரப்பப்பட்டது. இந்த படத்தினை பார்த்தவர்கள் கண் கலங்கி "இப்படி ஒரு நல்ல படத்தை பார்க்காமலே சித்ரா போய்விட்டாரே' என்று வேதனையுடன் கூறுவதைப் பார்க்க முடிந்தது.இப்படம் 26 ஆம் தேதியன்று திரைக்கு வர தயாராகவுள்ளது. மக்கள் அனைவரும் இப்படத்திற்கு மிகுந்த ஆதரவு தெரிவித்து வருகின்றனர்.