www.garudabazaar.com

“சைகோ வில்லனா இருந்தாலும்..”.. மிரட்டும் நயன்தாராவின் ‘நெற்றிக்கண்’ குறித்து அஜ்மல் அமீர்!

முகப்பு > சினிமா செய்திகள்

By |

தமிழ் சினிமாவில் "அஞ்சாதே" படத்திலேயே, யார் இந்த புதுமுகம் என அனைவரையும் ஆச்சர்யப்படுத்தியவர் நடிகர் அஜ்மல் அமீர்.

Ajmal Ameer in full form Netrikann Nayanthara milind rau

தொடர்ந்து அவர் நடித்த கோ படத்திலும் அவரது நடிப்பு பிரமாதமாக இருந்தது. ஹீரோவாக மாறிய அவர், தனது மருத்துவ மேற்கல்வி பயில்வதற்காக லண்டன் சென்றதால் நடிப்புக்கு சிறிது காலம் இடைவெளி விட்டிருந்தார். தற்போது மீண்டும் நடிப்புக்கு திரும்பியுள்ள அவர், நயன்தாரா நடிப்பில் மிகப்பெரும் எதிர் பார்ப்பை ஏற்படுத்தியிருக்கும், நெற்றிக்கண் திரைப்படத்தில் வில்லனாக அதகளப் படுத்தியிருக்கிறார்.

Ajmal Ameer in full form Netrikann Nayanthara milind rau

இந்த படத்தின் ட்ரெயலரிலேயே அவரது நடிப்பு பெரும் பாராட்டுக்களை குவித்து வருவதில் மிகுந்த உற்சாகத்தில் இருக்கிறார்.  "நெற்றிக்கண்" திரைப்பட அனுபவம் குறித்து அவர் கூறும்போது,  “கோ படத்திற்கு பிறகு நிறைய நல்ல வாய்ப்புகள் வந்தது. ஆனால் இடையில் எனது மருத்துவ மேற்படிப்பிற்காக லண்டன் சென்றதால் எந்த வாய்ப்புகளையும் என்னால் ஒப்புக்கொள்ள முடியவில்லை. இப்போது மீண்டும் நடிப்புக்கு திரும்ப, நெற்றிக்கண் மிகச்சிறந்த வாய்ப்பாக அமைந்தது.

Ajmal Ameer in full form Netrikann Nayanthara milind rau

இரண்டு கதாப்பாத்திரங்களின் ஆடு புலி ஆட்டம் தான் மொத்தப்படமுமே என்பதால் எனது பாத்திரம் இதில் மிக முக்கியத்துவம் வாய்ந்தது. சமீபத்தில் வெளியாகி பெருவெற்றி பெற்ற ஆங்கில 'ஜோக்கர்' பட பாத்திரத்தை ஒத்தது தான் இப்படத்தில் என்னுடைய பாத்திரம். சைக்கோ வில்லனாக இருந்தாலும் தனித்து தெரியும் பாத்திரமாக இருக்கும். ரசிகர்கள் கண்டிப்பாக எனது கதாப்பாத்திரத்தை ரசிப்பார்கள்.

Ajmal Ameer in full form Netrikann Nayanthara milind rau

நயன்தாரா, கேமராமேன் RD ராஜ சேகர், தயாரிப்பாளர் விக்னேஷ் சிவன், இயக்குநர் மிலிந்த் ராவ் என இந்த கூட்டணியே மிகப்பெரும் எதிர்பார்ப்பை ஏற்படுத்தும் கூட்டணி. இந்தப்படம் இதுவரையிலான தமிழ் திரில்லர்களை, மிஞ்சும் படைப்பாக இருக்கும்” என்றார்.

ALSO READ: ‘சார்பட்டா பருவதத்திற்கும் இடியப்ப தனலக்‌ஷ்மிக்கும் ரோசமான சண்டை’ - அப்பவே பேசிய நாகேஷ்.. Video

Ajmal Ameer in full form Netrikann Nayanthara milind rau

People looking for online information on Ajmal Ameer, Milind Rau, Nayanthara, Netrikann will find this news story useful.