"வாழ்க்கை நரகமா இருக்கு".. சுஷாந்தின் ‘MS தோனி’ படத்தின் இன்னொரு நடிகர் தற்கொலை!

பின்னர் அவரது மரணம் தூண்டப்பட்ட ஒன்றா என்கிற கோணத்தில் அவரது காதலியும் நடிகையுமான  ரியா சக்ரபோர்த்தி உட்பட பலரும் விசாரிக்கப்பட்டனர். அந்த வழக்கு பாலிவுட்டில் நிலவும் நெப்போட்டிசம் மற்றும் போதைக் கலாச்சாரத்தை தூர்வாரியது.

இந்த நிலையில் அதே படத்தில் நடித்திருந்த மற்றொரு நடிகரான சந்தீப் நஹார், மும்பை கொரேகானில் உள்ள அவரது வீட்டில் தற்கொலை இன்று செய்து கொண்டுள்ள சம்பவம் அதிரவைத்துள்ளது. இதுகுறித்து வழக்குப்பதிவு செய்து போலீசார் விசாரணை மேற்கொண்டு வருகின்றனர். தற்கொலைக்கு முன்னர் தமது ஃபேஸ்புக் பக்கத்தில் அவர் பதிவிட்டிருந்த போஸ்ட்டில் தன் மனைவி மற்றும் மாமியார் தன்னை தொடர்ந்து டார்ச்சர் செய்து மிரட்டியதாகவும்,  மனைவி எப்பொழுதும் சண்டை போட்டுக் கொண்டே இருப்பதாகவும் குறிப்பிட்டுள்ளார்.

அதே சமயம் தன் முடிவுக்கு யாரும் பொறுப்பு இல்லை என்றும் இதற்கு முன்பும் தற்கொலை செய்து கொள்ளலாம் என்று தோன்றியதாகவும், ஆனால் திருமண வாழ்க்கையில் மாற்றம் நடக்கும் என நம்பி இருந்ததாகவும், இப்போது இந்த வாழ்க்கை நரகமாக இருப்பதால் வாழ்வை முடித்துக் கொள்வதாகவும் குறிப்பிட்டிருக்கிறார். பாலிவுட்டில் நடக்கும் பாலிடிக்ஸால், தான் அதிருப்தி அடைந்ததாகவும், கடைசி நேரத்தில் வாய்ப்புகள் பறிபோவதாகவும் அவர் அந்த போஸ்டில் தெரிவித்துள்ளார்.

தற்கொலை என்பது எதற்கும் முடிவல்ல. மனித உயிர் விலை மதிப்பில்லாதது.  தற்கொலை எண்ணம் மேலிடும் போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே, மாநில சுகாதாரத்துறையின் தற்கொலை தடுப்பு எண் 104 மற்றும் ஸ்நேகா தற்கொலை தடுப்பு உதவி எண் 044 – 24640050 என்ற எண்களை வெளியிட்டுள்ளது. அவர்களை தொடர்பு கொண்டு இலவசமாக ஆலோசனை பெறலாம்.

This news piece may be triggering. If you or your loved ones need help, call on these helplines: Aasra (Mumbai) 022-27546669, Sneha (Chennai) 044-24640050, Sumaitri (Delhi) 011-23389090, Cooj (Goa) 0832- 2252525, Jeevan (Jamshedpur) 065-76453841, Pratheeksha (Kochi) 048-42448830, Maithri (Kochi) 0484-2540530, Roshni (Hyderabad) 040-66202000, Lifeline 033-64643267 (Kolkata).