"பிரம்மாண்ட இயக்குநர் ராஜமௌலி குறும்படம் இயக்குறாரா?".. இதுதான் கான்செப்டா? Trending தகவல்.

இயக்குநர் ராஜமௌலி பிரம்மாண்ட திரைப்பட இயக்குநராக அறியப்படுபவர். தற்போது ஆர்ஆர்ஆர் படத்தை இயக்கி வருகிறார். ஊரடங்கு காரணமாக அந்த படத்தின் படப்பிடிப்புகள் தற்காலிகமாக நிறுத்தி வைக்கப்பட்டிருந்த நிலையில்,  மீண்டும் ஊரடங்கு விலக்கிக் கொள்ளப்பட்டதும் பட வேலைகளை தொடங்க படக்குழு தயார் நிலையில் உள்ளது.

இதனிடையே இந்த பேரிடர் அல்லது பெருந்தொற்று காலத்தில் காவல்துறையினரின் பங்களிப்பையும், அவர்களின் அர்ப்பணிப்பையும் உணர்த்தும் 20 நிமிட ஒரு குறும்படத்தை இயக்க ராஜமௌலி திட்டமிட்டுள்ளதாகவும், இது தொடர்பாக தெலுங்கானா காவல்துறை அதிகாரிகளை அவர் சந்தித்துள்ளதாகவும் தெலுங்கானா செய்திகள் குறிப்பிடுகின்றன.

இந்த குறும்படத்தை தமது ஆர்ஆர்ஆர் படப்பிடிப்பை தொடங்கும் முன், ராஜமௌலி இயக்கி முடிக்கும் முனைப்பில் இருப்பதாகவும் அந்த செய்திகள் கூறுகின்றன. எனினும் இதுகுறித்த அதிகாரப்பூர்வ அறிவிப்புகள் வெளியாகவில்லை.