மம்மூட்டி - ரம்யா பாண்டியன் நடிக்கும் புதிய படம்.. ரசிகர்களை கவரும் புதிய போஸ்டர்!

Also Read | துல்கர் - ராஷ்மிகா மந்தனா நடித்த 'சீதா ராமம்'.. 10 நாள் வசூல் மட்டும் இத்தனை கோடி ரூபாயா?

மலையாள சினிமாவில் மட்டுமல்லாமல் இந்திய சினிமா இளம் இயக்குனர்களில் முக்கியமானவர் லிஜோ ஜோஸ் பெல்லிசேரி.

இவர் இயக்கத்தில் முன்பு வெளியான ஆமென், அங்கமாலி டைரிஸ், இ.ம.யூ, ஜல்லிக்கட்டு உள்ளிட்ட படங்கள் உலக அளவில் ரசிகர்கள் மற்றும் விமர்சகர்கள் மத்தியில் நல்ல வரவேற்பை பெற்றன.

குறிப்பாக ஜல்லிக்கட்டு திரைப்படம் இந்தியா சார்பில் 93ஆவது ஆஸ்கர் விருதுக்கு அனுப்பப்பட்டது.

லிஜோ ஜோஸ் தற்போது தமிழ், மலையாளம் என இரு மொழிகளில் மம்முட்டி நடிக்கும் 'நண்பகல் நேரத்து மயக்கம்' என்ற இந்த புதிய படத்தை இயக்கி முடித்துள்ளார். மம்முட்டியின் மம்முட்டி கம்பெனி நிறுவனம் இந்த படத்தை தயாரிக்கிறது.

நாகை மாவட்டம் வேளாங்கன்னியில் இந்தப் படத்தின் படப்பிடிப்பு துவங்கி அடுத்ததாக திண்டுக்கல் மாவட்டம் பழனியில் இந்த படத்தின் படப்பிடிப்பு ஒரே கட்டமாக நடந்து முடிந்தது.

இந்த படத்திற்கு திரைக்கதையை எஸ்.ஹரிஷ் எழுத, கர்ணன் பட ஒளிப்பதிவாளர் தேனி ஈஸ்வர் படத்திற்கு ஒளிப்பதிவு செய்துள்ளார். ஒளிப்பதிவாளர் ஈஸ்வர் ஏற்கனவே மம்முட்டியின் பேரன்பு, புழு படத்தின் ஒளிப்பதிவாளராக பணியாற்றியுள்ளார்.

சிலநாட்களுக்கு முன் இந்த படத்தின் இரண்டாவது டீசர் வீடியோ வெளியானது. ஏற்கனவே இப்படத்தின் முதல் டீசர் சிலமாதங்களுக்கு முன் ரிலீசானது. முதல் டீசரில் படத்தில் நடித்துள்ள பிரதான கதாபாத்திரங்கள் இல்லாமலே டீசர் அமைந்தது.

இரண்டாவது டீசரில்  ஒரே ஷாட்டில் மம்முட்டி நடித்த ஒன்றரை நிமிட காட்சி டீசராக வெளியானது.அந்த இரண்டாவது டீசரில் மம்மூட்டி, 1973 ஆம் ஆண்டு தமிழில் சிவாஜி கணேசன் நடிப்பில் வெளியான 'கௌரவம்' படத்தின் (பாரிஸ்டர் ரஜினிகாந்த் & அட்வகேட் கண்ணன் வாக்குவாதம் செய்யும்) காட்சியை மதுபான விடுதி பின்னணியில் சிங்கிள் ஷாட்டில் பேசி நடித்திருந்தார்.  இந்த காட்சிக்கு மிகப்பெரிய அளவில் வரவேற்பு கிடைத்தது.

இந்நிலையில் இந்த படத்தின் புதிய போஸ்டரை படக்குழு வெளியிட்டுள்ளது. டிவிஎஸ் மோட்டார்ஸ் நிறுவனத்தின் எக்ஸ் எல் வண்டியில் பயணிப்பது போலவும், பின்னணியில் சுவற்றில் ஒரு பெண்மணி வரட்டி தட்டுவது போலவும் , சில நபர்கள் சண்டை இடுவது போலவும் போஸ்டர் அமைந்துள்ளது. மம்மூட்டி லுங்கி அணிந்து இரு சக்கர வாகனத்தை ஓட்டுவது போல் தோற்றம் அமைந்துள்ளது.

Also Read | விமான நிலையத்தில் அஜித்குமார்.. பேருந்தில் பயணம் செய்த வைரல் வீடியோ!