சூப்பர்ஸ்டார் ரஜினிகாந்த் உடல்நிலை! சுகாதாரத்துறை அமைச்சர் வெளியிட்ட தகவல்! முழு விவரம்!

வழக்கமான முழு உடல் பரிசோதனைக்காக ரஜினிகாந்த் சென்னை காவேரி மருத்துவமனை சென்றுள்ளார். ஒரு நாள் மருத்துவமனையில் இருந்து பரிசோதனை மேற்கொள்வார். பின்னர் வீடு திரும்புவார் என ரஜினிகாந்த் சார்பில் திருமதி லதா ரஜினிகாந்த் அறிவித்திருந்தார். சில தினங்களுக்கு முன் 67-வது தேசிய விருது வழங்கும் விழா டெல்லியில் நடந்தது. இதில் ரஜினிகாந்துக்கு இந்திய திரைத்துறையில் உயரிய விருதான தாதா சாகேப் பால்கே விருது வழங்கப்பட்டது.

விருதைப் பெற்ற பின், ரஜினிகாந்த் குடியரசுத் தலைவர் ராம்நாத் கோவிந்த் மற்றும் பிரதமர் நரேந்திர மோடி ஆகியோரை மரியாதை நிமித்தமாக நேரில் சந்தித்த புகைப்படங்கள் இணையத்தில் வைரலாகின. இதற்காக டெல்லி சென்று ரஜினிகாந்த் சென்னை திரும்பி இருந்தார். சென்னை திரும்பிய பின் 27.10.2021 அன்று தனது குடும்பத்தினருடன் சன் டிவி அலுவலகத்தில் அண்ணாத்த படத்தை பிரத்யேகமாக பார்த்ததும் குறிப்பிடத்தக்கது.

இந்நிலையில்  ரஜினி உடல்நிலை குறித்து தமிழக சுகாதாரத்துறை அமைச்சர் மா. சுப்ரமணியன் பத்திரிக்கையாளர் சந்திப்பில் சில தகவல்களை கூறியுள்ளார். அதில் ரஜினிகாந்த் நலமுடன் இருப்பதாக காவேரி மருத்துவமனை நிர்வாகம் அரசிடம் தெரிவித்துள்ளது. திருமதி லதா ரஜினிகாந்தும் இதை உறுதிப்படுத்தி உள்ளார் என அமைச்சர் மா சு கூறினார்.