மறைந்த புகழ்பெற்ற நடிகர் விவேக்... நினைவாக பாய்ஸ் பட நடிகர் செய்த நெகிழ்ச்சியான செயல்...!

முகப்பு > சினிமா செய்திகள்

By Priyanka | Apr 17, 2021 07:19 PM

தமிழ் சினிமாவின் முன்னணி காமெடி நடிகரான விவேக் மாரடைப்பு காரணமாக மரணம் அடைந்துள்ளார். அவரது இழப்பு தமிழ் சினிமாவிற்கு ஈடுகட்ட முடியாத மிகப்பெரிய இழப்பாகும். திருநெல்வேலி மாவட்டத்தில் பிறந்த விவேக் சினிமா மீது கொண்ட ஈடுபாடு காரணமாக சினிமாவில் நுழைந்தார். தமிழ் சினிமாவில் ரஜினி, கமல், விஜய், அஜீத், விக்ரம், சூர்யா போன்ற அனைத்து முன்னணி நடிகர்களுடனும் நடித்துள்ளார். அவரது இழப்பு காரணமாக நடிகர், நடிகைகளும், பிரபலங்களும், ரசிகர்களும் அவருக்கு இரங்கல் தெரிவிக்க அவரது வீட்டை அடைந்துள்ளனர்.

boys film actor pays homage to vivek பாய்ஸ் பட நடிகர் நெகிழ்ச்சி செயல்

தனது காமெடிகளால் சிரிக்க மட்டுமல்ல சிந்திக்கவும் வைத்த பெருமை அவருக்கு சேரும். எனவே தான் அவர் சின்ன கலைவாணர் என்று ரசிகர்களால் பெருமையுடன் அழைக்கப்பட்டார். மேலும் உயரிய விருதான பத்மஸ்ரீ விருது, பிலிம்பேர் விருது, தமிழ்நாடு அரசின் மாநில விருது, எடிசன் விருது போன்ற பல விருதுகளை பெற்றுள்ளார். இந்நிலையில் புகழ்பெற்ற நடிகர் விவேக்கிற்கு தமிழக அரசு உரிய மரியாதையுடன் அவரது உடலை நல்லடக்கம் செய்ய இருக்கின்றனர். இந்நிலையில் நடிகர் விவேக்குடன் பாய்ஸ் படத்தில் நடித்திருந்த நடிகர் அவருக்கு இரங்கல் தெரிவித்திருந்தார். இந்நிலையில் அதுமட்டுமில்லாமல் அவர் செய்த செயல் தற்போது அனைவரின் மனத்தையும் வென்றுள்ளது. அவர் கூறும்போது "விவேக் சார் நினைவாக ஒரு மாமரத்தை நட்டு, அதற்கு மங்களம் என்று பெயரிட்டுள்ளேன். நீங்கள் எப்போதும் எங்கள் இதயங்களில் இருப்பீர்கள்.அனைத்து அழகான நினைவுகளுக்கும் நன்றி" என்று வேதனையுடன் கூறியுள்ளார்.