'கர்மா இஸ் எ பூமராங்'னு சும்மாவா சொன்னாங்க... ரசிகர்கள் கிண்டல்!

இதில் அர்ச்சனா ஏற்கனவே ஒருமுறை கேப்டனாகி விட்டார். ரம்யாவோ இரண்டு முறை கேப்டனாகி விட்டார். மிச்சம் இருப்பது பாலாஜி மட்டும் தான் என்பதால் கண்டிப்பாக அவர் இந்த வாரம் கேப்டன் ஆவார் என எதிர்பார்க்கப் பட்டது. ஆனால் மறுபடியும் ஒருமுறை கேப்டன் பதவி அவருக்கு கானல் நீராகவே மாறிவிட்டது. அர்ச்சனா இரண்டாவது முறையாக கேப்டன் ஆகிவிட்டார்.

பாலாஜி பல முறை சொல்லிட்டார், ஆரி வாயை மட்டுமே நம்பி இருக்கிறார்னு. நான் கேக்குறேன், இது வரை 75 நாளில் ஏதாவது ஒரு போட்டியில் ஆரியை பாலா வென்றது உண்டா? 12 வாரத்தில் ஒரு முறையாவது கேப்டன் ஆனது உண்டா? #balaji fans also can answer.#Aariarujunan #BiggBossTamil4 #BiggBoss4Tamil

— துர்காதேவி (@DurgadeviAmbal1) December 18, 2020

முன்பொருமுறை பாலாஜி, சோம், சம்யுக்தா மூவரும் கேப்டன் பதவிக்காக விளையாடியபோது பாலாஜி, சம்யுக்தாவுக்கு விட்டுக்கொடுத்து அவரை கேப்டன் ஆக்கி அழகு பார்த்தார். அப்போது வெற்றியின் விளிம்பில் இருந்த சோம், பாலாஜியின் இந்த செயலால் கேப்டன் பதவியை இழந்தார். அப்போது எனக்கு எப்போ கேப்டன் ஆகணும் தோணுதோ அப்பத்தான் நான் கேப்டன் ஆவேன் என பாலாஜி கூறியிருந்தார்.

ஆனால் அதுவே அவருக்கு பூமராங் போல மாறிவிட்டது. இதுவரை 5 முறை கேப்டன் பதவிக்காக போட்டியிட்ட பாலாஜி அதில் ஒருமுறை கூட வெற்றி பெறவில்லை என்பது குறிப்பிடத்தக்கது. கேப்டன் பதவிக்கும் பாலாஜிக்கும் ராசியே இல்லை போல!