LATEST: ஒரு வழியாக தியேட்டரில் வெளியாகும் நாக சைதன்யா - சாய் பல்லவியின் லவ் ஸ்டோரி!!!

ரேவந்த் என்ற பாத்திரத்தில் நாக சைதன்யாவும், மவுனிகா என்ற பாத்திரத்தில் சாய் பல்லவியும் நடித்துள்ளனர். இந்தப் படத்தில்  நாக சைதன்யாவுக்கு ஜோடியாக நடிகை சாய் பல்லவி நடித்துள்ளார்.

சாய் பல்லவி ஏற்கனவே சேகர் கம்முலா இயக்கத்தில் ஃபிடா படத்தில் நடித்து இருந்தது குறிப்பிடத்தக்கது. ரொமன்டிக் டிராமா வகைமையில் கிராமத்தில் இருந்து நகரத்தில் முடியும் கதைக்களத்துடன் லவ் ஸ்டோரி படம் உருவாகியுள்ளது. இந்த படத்திற்காக நாக சைதன்யாவிற்கு சேகர் கம்முலா நடிப்பு ஒத்திகை நடத்தி பயிற்சி அளித்தார்.

இந்த படத்தின் பாடல்களும் டீசரும் போஸ்டரும் ரசிகர்களிடம் பலத்த வரவேற்பை பெற்றது. குறிப்பாக சாரங்க தரியா பாடல் தெலுங்கு ரசிகர்களை தாண்டி இந்தியா முழுவதும் ஹிட்டடித்தது. இந்த பாட்டில் சாய் பல்லவி நடனம் பெரியளவில் பேசப்பட்டது.

இந்நிலையில் கொரோணா காரணமாக தள்ளிப்போன இந்த படத்தின் வெளியீடு தற்போது உறுதியாகியுள்ளது. இந்த படத்தை வருகிற செப்டெம்பர் மாதம் 10 ஆம் தேதி விநாயகர் சதுர்த்திக்கு திரையரங்கில் வெளியிடுவதாக படக்குழு அறிவித்துள்ளது.

இதனை படத்தின் ஹீரோ நாக சைதன்யா அதிகாரப்பூர்வமாக அறிவித்துள்ளார்.

This Vinayaka Chaviti is Extra Special! #LoveStory releasing in theatres near you on Sep 10th ! #LoveStoryFromSep10th@sekharkammula @Sai_Pallavi92 @pawanch19@SVCLLP #AmigosCreations @AsianSuniel @adityamusic @NiharikaGajula @GskMedia_PR pic.twitter.com/s7e8zJWU4v

— chaitanya akkineni (@chay_akkineni) August 18, 2021