'முதல்வர் ஸ்டாலினின் அடுத்த அதிரடி'... தமிழக அரசின் புதிய தலைமைச் செயலாளர் ஆனார் 'வெ.இறையன்பு ஐ.ஏ.எஸ்'!
முகப்பு > செய்திகள் > தமிழகம்தமிழக தலைமைச்செயலாளராக இருந்த ராஜீவ் ரஞ்சன் மாற்றப்பட்டுள்ளார்.
![Iraianbu IAS appointed as New chief secretary of Tamilnadu Iraianbu IAS appointed as New chief secretary of Tamilnadu](http://tamil.behindwoods.com/news-shots-tamil-news/images/tamilnadu/iraianbu-ias-appointed-as-new-chief-secretary-of-tamilnadu.jpeg)
தமிழக முதல்வராக மு.க ஸ்டாலின் இன்று பதவியேற்றுக்கொண்டார். மு.க ஸ்டாலின் தலைமையிலான அமைச்சரவையில் அவருடன் 34 பேர் பொறுப்பேற்றுக்கொண்டனர். முதல் அமைச்சராகப் பதவியேற்றதும் குடும்ப அட்டைதாரர்களுக்கு ரூ.4 ஆயிரம் நிதி உதவி அளிக்கும் திட்டம் உள்பட 5 முக்கிய திட்டங்களில் ஸ்டாலின் கையெழுத்திட்டார்.
இந்நிலையில் ஸ்டாலின் முதல்வராகப் பதவியேற்ற நிலையில் அதிகாரிகள் மட்டத்தில் பல மாறுதல்கள் இருக்கும் என ஏற்கனவே எதிர்பார்க்கப்பட்டது. அந்த வகையில் முதல் அமைச்சர் மு.க ஸ்டாலினின் செயலாளர்களாக 4 ஐ.ஏ.எஸ் அதிகாரிகள் நியமனம் செய்யப்பட்டனர். உதயந்திரன், உமாநாத், எம்.எஸ் சண்முகம், அனு ஜார்ஜ் ஆகிய 4 பேரும் முதல்வரின் செயலாளர்களாக நியமிக்கப்பட்டுள்ளனர்.
இந்நிலையில் பெரிதும் எதிர்பார்க்கப்பட்ட தலைமைச் செயலாளர் பதவிக்கு வெ.இறையன்பு ஐ.ஏ.எஸ் புதிய தலைமைச் செயலாளராக நியமனம் செய்யப்பட்டுள்ளார். இன்னும் பல துறைகளின் அதிகாரிகள் மாற்றப்படலாம் என எதிர்பார்க்கப்படுகிறது.
![](https://www.behindwoods.com/images/spacer.gif)
மற்ற செய்திகள்
![](https://www.behindwoods.com/images/spacer.gif)