'தம்பி யாருடா நீ'... 'ஒரு ஓவருல இத்தனை சிக்ஸரா'... 'வச்சு விளாசிய இளம் வீரர்'... வைரலாகும் வீடியோ!

சர்வதேச ஒருநாள் கிரிக்கெட்டில் இளம் வீரர் அதிரடியாக சிக்ஸர் அடித்துத் தெறிக்க விட்டுள்ளார்.

ஓமனில் நேற்று நடந்த பப்புவா நியூ கயானாவுக்கு எதிரான 2-வது சர்வதேச ஒருநாள் கிரிக்கெட் போட்டியில் முதலில் ஆடிய அமெரிக்க அணி 50 ஓவர்களில் 9 விக்கெட்டுக்கு 271 ரன்கள் எடுத்தது. அந்த அணியின் வீரர் ஜஸ்கரன் மல்கோத்ரா 124 பந்துகளில் 4 பவுண்டரி, 16 சிக்சருடன் 173 ரன்கள் எடுத்து ஆட்டம் இழக்காமல் இருந்தார்.

அவர் கடைசி ஓவரில் வேகப்பந்து வீச்சாளர் காடி டோகா பந்து வீச்சில் 6 பந்துகளையும் சிக்ஸருக்கு அடித்து தும்சம் செய்தார். இதன் மூலம் சர்வதேச ஒரு நாள் போட்டியில் ஒரு ஓவரில் 6 சிக்சர்கள் அடித்த 2-வது வீரர் மற்றும் ஒட்டு மொத்த சர்வதேச கிரிக்கெட் போட்டியில் இந்த மைல்கல்லை எட்டிய 4-வது வீரர் என்ற பெருமையைப் பெற்றார்.

சிக்ஸர் மன்னனாகப் புகழ்பெற்றுள்ள ஜஸ்கரன் மல்கோத்ரா இந்தியாவில் பிறந்தவர் என்பது குறிப்பிடத்தக்கது. ஜஸ்கரன் மல்கோத்ராவின் சிக்ஸர் வீடியோ இணையத்தைக் கலக்கி வருகிறது.

6️⃣ x 6️⃣ from the legendary USA cricketer, Jaskaran Malhotra! 🔥🏏 pic.twitter.com/JsuqzoHv7B

— Willow TV (@willowtv) September 9, 2021