VIDEO: யாருப்பா இவரு..? கிரவுண்ட்ல ‘நீச்சல்’ அடிச்சிட்டு இருக்காரு.. ‘செம’ வைரல்..!

வங்கதேச கிரிக்கெட் வீரர் ஷாகிப் அல் ஹசன் மைதானத்தில் செய்த செயல் இணையத்தில் வைரலாகி வருகிறது.

வங்கதேசத்திற்கு சுற்றுப்பயணம் மேற்கொண்டுள்ள பாகிஸ்தான் அணி, 3 டி20 மற்றும் 2 டெஸ்ட் போட்டிகள் கொண்ட தொடரில் விளையாடி வருகிறது. இதில் டி20 தொடரை 3-0 என்ற கணக்கில் பாகிஸ்தான் அணி கைப்பற்றியது. இதனை அடுத்து இரு அணிகளுக்கும் இடையேயான டெஸ்ட் போட்டி நடைபெற்று வருகிறது.

இதில் நடந்து முடிந்த முதல் டெஸ்ட் போட்டியில் பாகிஸ்தான் அணி வெற்றி பெற்றுள்ளது. இதனை அடுத்து இரு அணிகளுக்கும் இடையேயான 2-வது டெஸ்ட் போட்டி டாக்கா மைதானத்தில் நடைபெற்று வருகிறது.

இதில் டாஸ் வென்ற பாகிஸ்தான் அணி முதலில் பேட்டிங்கை தேர்வு செய்து விளையாடி வருகிறது. இரண்டாம் நாள் ஆட்டத்தில் 2 விக்கெட் இழப்புக்கு 128 ரன்களை பாகிஸ்தான் அணி எடுத்திருந்த போது, திடீரென மழை குறுக்கிட்டது. அதனால் போட்டி பாதியிலேயே நிறுத்தப்பட்டது.

Excitement when the play is officially called off for the day @Sah75official 😂🏏 #BANvPAK pic.twitter.com/4ewyRqM23u

— Sikandar Bakht (@ImSikandarB) December 5, 2021

இந்த நிலையில் வங்கதேச கிரிக்கெட் வீரர் ஷாகிப் அல் ஹசன் திடீரென மைதானத்தில் தேங்கியிருந்த மழை நீரில் குதித்து விளையாடினார். இந்த வீடியோ தற்போது இணையத்தில் வெளியாகி வைரலாகி வருகிறது.