ஜெயம் ரவியின் ரோமியோ ஜூலியட் படத்தின் மூலம் இயக்குநராக அறிமுகமானவர் லக்ஷ்மன். அதனைத் தொடர்ந்து ஜெயம் ரவி - அரவிந்த்சாமி இணைந்து நடித்த போகன் படத்தை இயக்கினார்.
அதனைத் தொடர்ந்து ஜெயம் ரவியின் 25 படத்தின் அறிவிப்பு சமீபத்தில் வெளியானது. இந்த படம் மூலம் லக்ஷ்மன், ஜெயம் ரவியுடன் 3 வது முறையாக இணையவுள்ளார். இந்த படத்தை ஹோம் மூவி மேக்கர்ஸ் சார்பாக சுஜாதா விஜயகுமார் தயாரிக்கவுள்ளார்.
இந்நிலையில் ஸ்டன் சிவா தனது ட்விட்டர் பக்கத்தில் இந்த படம் குறித்து பதிவிட்டுள்ளார். அதில், இயக்குநர் லக்ஷ்மன் - ஜெயம் ரவி இணையவுள்ள படத்தில் நானும் எனது மகனும் இணைந்து சண்டைக் காட்சிகள் வடிவமைக்கவுள்ளோம். ஏற்கனவே ஜெயம் ரவி நடித்துள்ள அடங்க மறு படத்திலும் நாங்கள் இணைந்து பணியாற்றினோம் என்று பதிவிட்டுள்ளார்.
